کراچی: شوبز انڈسٹری نامور اداکارہ اور میزبان فضا علی کی بیٹی کے ساتھ ویڈیو کے خوب چرچے ہورہے ہیں۔
اداکارہ فضا علی سوشل میڈیا پر کافی متحرک رہتی ہیں اور اکثر اپنے نئے فوٹو شوٹ کی تصاویر مداحوں کے ساتھ شیئر کرتی رہتی ہیں مداحوں کی جانب سے بھی ان کی تصاویر کو پسند کیا جاتا ہے۔
فضا علی نے اس بار اپنی بیٹی کے ہمراہ ویڈیو شیئر کی جس میں وہ بیٹی کے ساتھ رقص کرتے ہوئے دکھائی دے رہی ہیں۔
ویڈیو میں اداکارہ کو بیٹی کے ہمراہ ایک گانے پر ڈانس کرتے ہوئے دیکھا جاسکتا ہے۔
مداحوں کی جانب سے فضا علی کی ویڈیو کو خوب سراہا جارہا ہے اور ان کی بیٹی کی بھی تعریف کی جارہی ہے۔
واضح رہے کہ فضا علی نے 1999 میں ماڈلنگ سے کیریئر کی شروعات کی تھی، 2003 میں اداکاری کا آغاز ڈرامہ سیریل مہندی سے کیا، مہندی ڈرامہ پاکستانی ڈرامہ انڈسٹری کے یادگار ڈراموں میں سے ایک ہے۔
اداکار نے 2012 میں نجی ٹی وی کے شو سے میزبانی کا آغاز کیا تھا۔