site
stats
پاکستان

واہگہ بارڈر پر قومی پرچم اتارنے کی باوقار تقریب

لاہور : یوم دفاع پر واہگہ بارڈر پر پرچم اتارنے کی تقریب میں شہریوں کی بڑی تعداد نے پورے جوش و خروش کے ساتھ شرکت کی جہاں رینجرز کے جوانوں کی شاندار پریڈ نے حاضرین کا لہو گرمادیا اور فضا پاکستان زندہ باد ، پاک فوج پائندہ باد اور اللہ اکبر کے نعروں سے گونج اٹھی۔

اس موقع پر پاکستان رینجرز کے شیر دل جوانوں کے بوٹوں کی گھن گھرج اور وطن کی حفاظت کے جذبے سے مامور پریڈ پاکستانیوں کا لہو خوب گرماتی رہی، واہگہ پر موجود کیا بچے، بزرگ، خواتین سب ہی بہت پُرجوش اور بھرپور انداز میں اپنے سپاہیوں کا حوصلہ بڑھاتے رہے۔

اس دوران پاکستان زندہ باد، نعرہ تکبیر اللہ اکبر اور جیوے جیوے پاکستان کے فلک شگاف نعروں سے فضا گونجتی رہی اور ملی نغموں اور قومی ترانوں پر لوگ والہانہ انداز میں رقص کرتے رہے اور بھنگڑا ڈالتے رہے اور اپنے جوانوں کو خراج تحسین پیش کی۔

تقریب میں‌ بالخصوص نوجوانوں اور بچوں کاجو ش و جذبہ دیدنی تھا، منچلوں کے بھنگڑوں اور نعرے بازی نے ماحول کو گرمائے رکھا، فلک شگاف نعروں کی گونج، جوش وجذبے سے جگمگاتے چہروں اورلہراتے پرچموں کے ساتھ واہگہ بارڈرپرہونے والی تقریب نے 1965 کی تاریخی فتح کی یادیں تازہ کردیں.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top