The news is by your side.

نواز شریف کے خلاف العزیزیہ، فلیگ شپ ریفرنسز کی سماعت آج ہوگی

اسلام آباد: احتساب عدالت میں سابق وزیرِ اعظم نواز شریف کے خلاف العزیزیہ، فلیگ شپ انویسمنٹ ریفرنسز کی سماعت آج ہوگی۔

تفصیلات کے مطابق آج احتساب عدالت میں نواز شریف کے خلاف العزیزیہ اور فلیگ شپ ریفرنسز کی سماعت ہوگی، سابق وزیرِ اعظم آج بھی عدالت میں پیش ہو کر بیان قلم بند کرائیں گے۔

گزشتہ سماعت میں نواز شریف کو بیان قلم بند کرانے کے لیے 50 سوالات دیے گئے تھے

گزشتہ سماعت میں نواز شریف کو بیان قلم بند کرانے کے لیے 50 سوالات دیے گئے تھے۔ العزیزیہ اسٹیل مل ریفرنس میں استغاثہ کے تمام گواہوں کے بیان ریکارڈ ہو چکے ہیں۔

جب کہ فلیگ شپ ریفرنس میں نیب تفتیشی افسر محمد کامران کا بیان قلم بند ہو چکا ہے جس پر نواز شریف کے وکیل خواجہ حارث جرح کریں گے۔

احتساب عدالت کے جج محمد ارشد ملک کیس کی سماعت کریں گے۔ خیال رہے کہ سپریم کورٹ نے ریفرنسز کا ٹرائل مکمل کرنے کے لیے 17 نومبر تک کا وقت دے رکھا ہے۔


یہ بھی پڑھیں:  نواز شریف کے خلاف فلیگ شپ ریفرنس میں پچھلی  سماعت میں کیا ہوا؟


واضح رہے کہ پچھلی سماعت میں تفتیشی افسر نے نواز شریف کے صاحب زادے حسن نواز کی کمپنیوں کی ملکیتی جائیداد کی تفصیلات پیش کیں۔ تفتیشی افسر نے کہا کہ حسن نواز کی 18 کمپنیوں کے نام پر 17 فلیٹس اور دیگر پراپرٹیز ہیں۔

Comments

یہ بھی پڑھیں