The news is by your side.

Advertisement

کرغزستان سے لاہور آنے والی پرواز حادثے سے بال بال بچ گئی

لاہور : کرغزستان سے لاہور آنے والی پرواز بڑے حادثے سے بال بال بچ گئی ، ایئر ٹریفک کنٹرول ٹاور کے بر وقت نوٹس پر پرواز کو درست رن وے لینڈ کرالیا گیا۔

تفصیلات کے مطابق لاہورایئرپورٹ پر غیرملکی ایئرلائن کا طیارہ ایئر ٹریفک کنٹرول ٹاور کے بر وقت نوٹس لینے کے باعث غلط لینڈنگ سے بچ گیا۔

ترجمان سی اے اے نے بتایا کہ طیارہ کرغزستان کے دارالحکومت بشکیک سے لاہور آرہا تھا، ایئربس اے 320 طیارہ لاہور پہنچا تو غیر ملکی کپتان نے غلط رن وے پر لینڈنگ کی کوشش کی۔

جس پر کنٹرول ٹاور نے ہاٹ لائن پر رابطہ کر کے غیر ملکی کپتان کو آگاہ کیا کہ وہ غلط رن وے کی جانب بڑھ رہا ہے۔

سی اے اے کا کہنا تھا کہ غیر ملکی کپتان رن وے 36 آر پر لینڈنگ کی کوشش کر رہا تھا ، کنٹرول ٹاور نے پرواز 4541 کو فضا میں گو راونڈ کرتے ہوئے دوبارہ لینڈنگ کی ہدایت کی۔

ترجمان نے بتایا کہ ایئرٹریفک کنٹرولر کی ہدایت پر طیارے نے درست رن وے نمبر 36 ایل پر باحفاظت لینڈنگ کی، بشکیک سے پہنچنے والی پرواز 4541 میں 171 مسافر اورعملے کے 8 افراد سوار تھے۔

Comments

یہ بھی پڑھیں