The news is by your side.

Advertisement

اسلام آباد جانے والے طیارے میں 14ہزارفٹ کی بلندی ‌پرفنی خرابی ، پھر کیا ہوا؟

کراچی : کوئٹہ سے اسلام آباد جانے والا نجی ایئرلائن کا طیارہ بڑے حادثے سے بچ گیا ، 14ہزارفٹ کی بلندی پر طیارے میں اچانک فنی خرابی پیدا ہوگئی تاہم کپتان نے بڑی مہارت سے طیارے کو لینڈ کرایا۔

تفصیلات کے مطابق کوئٹہ سے اسلام آباد جانے والی نجی ایئرلائن کی پرواز ای آر 546 میں اڑان بھرنے کے کچھ ہی دیر بعد ہی فنی خرابی پیداہوگئی۔

ذرائع نے بتایا کہ بوئنگ737طیارہ 14ہزارفٹ بلندی پرتھااچانک فنی خرابی پیداہوئی، جس کے بعد کپتان نے کنٹرول ٹاور سے رابطہ کرکے لینڈنگ کی اجازت طلب کی۔

ایئر ٹریفک کنٹرولر نے کپتان کو فوری لینڈنگ کی اجازت دی اور کپتان نے حفاظتی اقدامات کے تحت طیارے کو واپس کوئٹہ ایئرپورٹ اتار لیا۔

ترجمان کا کہنا ہے کہ انجینئز طیارےکامعائنہ کر رہے ہیں، فنی خرابی دورہوتے ہی پرواز کو روانہ کر دیا جائے گا۔

یاد رہے رواں ماہ کے آغاز میں اسلام آباد سے سعودی عرب جانے والی نجی ایئرلائن کی پرواز میں ٹیک آف کرتے ہی فنی خرابی پیداہوگئی تھی ، جس کے بعد طیارے کے کپتان نے انتہائی مہارت سے طیارے کو لینڈ کرایا۔

Comments

یہ بھی پڑھیں