The news is by your side.

ہنگامی لینڈنگ، مسافر طیارہ حادثے سے بال بال بچ گیا

شارجہ : طیارہ رن وے پر پرندے ٹکرانے کے باعث حادثے سے بال بال بچ گیا، طیارے میں 164 مسافر سوار تھے۔

غیرملکی خبررساں ادارے کی رپورٹ کے مطابق طیارے سے اڑان بھرنے سے قبل دو باز ٹکرا گئے جس کے نتیجے میں طیارے کو کوئمبٹو میں ایمرجنسی لینڈنگ کرانی پڑ گئی۔

طیارے میں 164 مسافر سوار تھے جنہیں لاؤنج منتقل کرکے طیارے کو پہنچنے والے نقصان کا جائزہ لیا گیا۔

رپورٹ کے مطابق پرواز شارجہ جارہی تھی فلائٹ رن وے سے گزر رہی تھی تبھی دو باز انجن سے ٹکرا جن میں سے ایک کی انجن بلیڈ سے ٹکرانے سے موت ہوگئی۔

ہوائی اڈے کے ڈائریکٹر ایس سینتھل نے بتایا کہ پرندوں کے طیارے سے ٹکرانے کے واقعات پر قابو پانے کے لیے برڈ کیئر گنس، برڈ چیزر سمیت کئی احتیاطی تدابیر اختیار کی جاتی ہیں۔

انتظامیہ کا کہنا ہے کہ ہوائی اڈے کے پاس کچرا ڈمپ کرنے پر پابندی عائد کردی گئی ہے کیونکہ پرندے ان جگہوں پر ہی زیادہ موجود ہوتے ہیں۔

واضح رہے کہ کوئمبٹور سے اڑانے والی پروازوں سے اکثر پرندوں کے ٹکرانے کے واقعات رونما ہوتے ہیں لیکن گزشتہ سات سالوں میں یہ پہلی بار ہے کہ طیارہ کی ایمرجنسی لینڈنگ کرواکے مسافروں کو لاؤنچ منتقل کیا گیا ہے۔

Comments

یہ بھی پڑھیں