The news is by your side.

Advertisement

لاہور ایئرپورٹ کو پروازوں کے لیے کھول دیا گیا

لاہور: پاک بھارت کشیدگی کے باعث علامہ اقبال ایئرپورٹ پرمعطل ہونے والے فلائٹ آپریشن کو دوبارہ بحال کردیا گیا۔

تفصیلات کے مطابق سول ایوی ایشن اتھارٹی کے نوٹیفکیشن کے مطابق لاہور ایئرپورٹ کے فلائٹ آپریشن معمول کے مطابق بحال کردیے گئے ہیں۔

سول ایوی ایشن اتھارٹی کے مطابق تمام فضائی کمپنیوں کو آپریشن شروع کرنے سے متعلق آگاہ بھی کردیا گیا ہے۔

پی آئی اے کی کراچی جانے والی پرواز کی روانگی پونے10بجے تک متوقع ہے جبکہ جدہ جانے والی پرواز 11بجے اڑان بھرے گی۔

سول ایوی ایشن اتھارٹی کے جاری کردہ نوٹیفکیشن کے مطابق ڈومیسٹک اور انٹرنیشل فلائٹس کو ری شیڈول کیا گیا ہے اور مسافروں کی ہدایت کی گئی کہ وہ ایئرپورٹ آنے سے قبل 0215 ہیلپ لائن پر کال کرکے معلومات حاصل کرلیں۔

یاد رہے کہ پاک بھارت کشیدگی کے باعث سی اے اے نے پاکستان کی فضائی حدود اور ہوائی اڈے کمرشل پروازوں کے لیے بند کردیے تھے۔

4 بڑے ایئر پورٹس سے پی آئی اے کا فضائی آپریشن بحال

سول ایوی ایشن اتھارٹی نے گزشتہ روز اسلام آباد، کراچی، پشاور اور کوئٹہ کے ہوائی فضائی اڈوں پر فلائٹ آپریشن معمول کے مطابق بحال کیے جبکہ ملتان ایئرپورٹ پرفلائٹ آپریشن اب بھی معطل ہے جو 4 مارچ کو دوپہر ایک بجے بحال ہوگا۔

Comments

comments

یہ بھی پڑھیں