The news is by your side.

Advertisement

پروازوں پر پابندی عائد، مسافر مشکل میں پڑ گئے

چین کے زیرانتظام شہر ہانگ کانگ نے کوروناوائرس کے پیش نظر برطانیہ پر سفری پابندی عائد کردی۔

غیرملکی خبررساں ادارے کی رپورٹ کے مطابق ہانگ کانگ کی جانب سے برطانیہ پر سفری پابندی کا اطلاق 1 جولائی(جمعرات) سے ہوگا۔ حکومت نے ‘یو کے’ کو کورونا کے انتہائی خطرناک ممالک کی فہرست میں شامل کرلیا۔

UK travel ban: These countries impose new restrictions | CNN Travel

رپورٹ میں بتایا گیا ہے کہ بھارت سے نمودار ہونے والی کورونا قسم ‘ڈیلٹا’ برطانیہ پہنچ کر پھیل رہی ہے اسی سبب ہانگ کانگ حکومت نے فوری طور پر فضائی پابندی کا فیصلہ کیا تاکہ اس خطرناک قسم کو مزید پھیلنے سے روکا جاسکے۔ 1 جولائی کے بعد برطانیہ سے شہری ہانگ کانگ کا سفر نہیں کرسکیں گے۔

حکام کا کہنا ہے کہ برطانیہ سے ہانگ کانگ آنے والوں میں بھارتی کورونا قسم کے کیسز رپورٹ بھی ہوئے ہیں۔ برطانیہ میں کسی نے بھی 2 گھنٹے سے زائد کا وقت گزارا ہے وہ ہانگ کانگ میں داخل نہیں ہوسکے گا، سفری پابندی کا باقاعدہ اطلاق جمعرات سے ہونے جارہا ہے۔

خیال رہے کہ برطانیہ میں 1لاکھ 11 ہزار 157 افراد ڈیلٹا کا شکار ہوچکے ہیں۔

ہانگ کانگ نے اس سے قبل برطانیہ کو کورونا کے خطرناک ممالک کی فہرست میں رکھا تھا تاہم اب اسے انتہائی خطرناک ممالک میں شامل کرلیا گیا ہے اور سفری پابندی بھی عائد کی گئی ہے، پابندی کے باعث شہری مشکلات کا شکار ہیں۔

Comments

یہ بھی پڑھیں