اکثر لوگوں کی یہ شکایت ہوتی ہے کہ اُن کی آنکھوں کے سامنے نکتے سے چلتے پھرتے نظر آتے ہیں اور کچھ لوگوں کو دھاگے سے بھی نظر آتے ہیں یا پھر حرکت کرتا ہوا گول دائرہ سا نظر آتا ہے۔
اس کیفیت کو فلوٹرز کہا جاتا ہے، جس کی علامت یہ ہے کہ انہیں کسی چیز کو دیکھتے ہوئے اچانک آنکھوں کے سامنے عجیب سی کیڑے نما شبیہہ نظر آتی ہے جو بعض اوقات بہت واضح بھی ہوتی ہے۔
بینائی رکھنے والے 76 فیصد افراد کو اس بات کا تجربہ ہوتا ہے، اس عمل میں آنکھوں کے سامنے ننھے ننھے کیڑوں جیسا اسٹرکچر حرکت میں نظر آتا ہے جو فلوٹرز کی علامت ہے۔
نیچے دی گئی چند تصاویر مریضوں کی بیان کردہ فلوٹرز شبیہات دکھائی گئی ہیں۔
اسے سائنسی زبان میں فلائنگ فلائیز کہا جاتا ہے مگر یہ ‘کیڑے’ آپ کی نظروں کا دھوکا نہیں ہوتے بلکہ وہ حقیقت میں موجود ہوتے ہیں اور آنکھوں کے اندر حرکت کررہے ہوتے ہیں۔
کئی بار ایسا اس وقت ہوتا ہے جب آپ کسی روشن اور ہم آہنگ یا ہموار چیز جیسے آسمان، برف، ویلڈنگ یا سفید اسکرین کو کچھ دیر دیکھتے ہیں۔
آپ کی آنکھوں کے سامنے قرنیہ ہوتا ہے اور اس کے پیچھے پتلی ہوتی ہے جس کے پیچھے aqueous humour ہوتا ہے جو بنیادی طور پر سیال کا چھوٹا سا ذخیرہ ہوتا ہے جس میں ٹشو، خون کے سرخ خلیات یا پروٹین کے ذرات موجود ہوتے ہیں۔
یہ ایک جیل جیسا سیال ہوتا ہے جو عدسے اور پردہ چشم کے درمیان ہوتا ہے، آنکھوں میں روشنی عدسے کے ذریعے داخل ہوتی ہے اور پردہ چشم کے مخصوص خلیات کو متحرک کردیتی ہے۔
اس عمل کے دوران کئی بار جیل نما سیال میں موجود ذرات یا فلائنگ فلائیز پردہ چشم پر سایہ ڈال دیتے ہیں ایسا کرنے سے عجیب کیڑوں جیسی تصاویر ہماری آنکھوں کے سامنے آجاتی ہیں۔
عام طور پر یہ کوئی خاص مسئلہ نہیں ہوتا اور اس سے پریشان ہونے کی ضرورت نہیں ہوتی کیونکہ چند سیکنڈ بعد ہی یہ منظر آنکھوں کے سامنسے غائب ہوجاتا ہے۔
