تازہ ترین

سیلابی نقصانات کا تخمینہ 30ارب ڈالر سے زائد ہے، وزیراعظم

اسلام آباد : وزیراعظم شہباز شریف نے ممتاز برطانوی روزنامہ’دی گارڈین‘کیلئے خصوصی مضمون تحریری کیا ہے جس میں انہوں نے پاکستان میں سیلاب سے ہونے والی تباہ کاریوں متاثرین کی امداد سے متعلق تفصیلی روشنی ڈالی ہے۔

انہوں نے لکھا کہ سیلاب سے پاکستان میں اب تک غذائی عدم تحفظ کے شکار افراد کی تعداد 14ملین ہوگئی ہے، سیلاب نے مزید 9ملین افراد کو انتہائی غربت میں دھکیل دیا ہے۔

وزیراعظم شہبازشریف نے کہا کہ کم وسائل کے باوجود موجودہ حکومت نے ڈیڑھ ارب ڈالر سے متاثرین کیلئے ہرممکن ریلیف فراہم کرنے کی کوشش کی، متاثرین امداد پر عالمی برادری اور دوست ممالک کے شکرگزار ہیں۔

انہوں نے کہا کہ عالمی مالیاتی اداروں کے مطابق سیلابی نقصانات کاتخمینہ 30ارب ڈالر سے زائد ہے، سیلاب کے باعث نقصانات پاکستان کی جی ڈی پی کا10فیصد ہیں۔

وزیر اعظم نے بتایا کہ جنیوا کانفرنس کی یو این سیکریٹری جنرل کے ساتھ مشترکہ میزبانی کررہا ہوں، سیلاب کے بعد تعمیر نو اور بحالی کیلئے جامع روڈ میپ پیش کریں گے، سیلاب زدگان کی بحالی کاروڈ میپ عالمی اداوں کے تعاون سے تیار کیا ہے۔

شہباز شریف کا کہنا ہے کہ سیلاب زدگان کی بحالی اور تباہ شدہ علاقوں کی تعمیرنو کیلئے کم از کم 16.3ارب ڈالر فنڈنگ کی فوری ضرورت ہے، 10سال کی مدت میں13.5ارب ڈالر کی سرمایہ کاری بھی درکار ہوگی۔

وزیراعظم شہبازشریف نے کہا کہ پاکستان کل رقم کا نصف اپنے وسائل سے پورا کرے گا، سیلاب زدگان کی بحالی کیلئے شراکت داروں کی مسلسل معاونت پربھروسہ کریں گے۔

Comments

- Advertisement -