تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

چین میں شدید بارشیں اور سیلاب، 16 افراد ہلاک، درجنوں لاپتہ

بیجنگ : چین کے مختلف علاقوں میں شدید بارشوں اور سیلاب کے نتیجے میں 16 افراد ہلاک ہوگئے جب کہ متعدد افراد تاحال لاپتہ ہیں اور کئی دیہات سیلاب میں بہہ گئے ہیں۔

تفصیلات کے مطابق چین میں ہونے والی حالیہ بارشوں نے بڑے پیمانے پر تباہی مچادی ہے جب کہ بارش کے پانی جمع ہونے کے باعث ندی اور دریاؤں میں آنے والے سیلاب نے درجنوں دیہاتوں کو اپنی لپیٹ میں لے لیا اور سینکڑوں مکانات زیر آب آگئے جس کے نتیجے میں 16 افراد ہلاک ہو گئے جب کہ متعدد افراد تاحال لاپتہ ہیں

چین کے اعلیٰ سرکاری حکام نے بتایا کہ سیلاب کی وجہ سے 60 دریاؤں میں پانی کی سطح خطر ناک حد تک بلند ہو گئی ہے اور ان علاقوں میں سرخ الارم دے دیا گیا ہے جب کہ سیلاب کی روک تھام کے لیے دریاؤں کے کناروں پر ریت کی بوریوں سے بند باندھ دیئے گئے ہیں۔

ریسکیو ادارے نے سیلاب اور بارش سے متاثرہ علاقوں میں ایمرجنسی نافذ کرتے ہوئے امدادی کاموں کا آغاز کردیا ہے اور اب تک ایک لاکھ سے زائد افراد کو محفوظ علاقوں میں منتقل کردیا گیا ہے جب کہ متاثرین کی تعداد اس سے کہیں زیادہ ہے۔

ریسکیو ادارے کے آفیسر کا کہنا ہے کہ سیلاب سے بھاری جانی و مالی نقصان ہو ا ہے لہذا ایمرجنسی نافذ کرکے امدادی کاموں کا کام جاری ہے اور تمام متعلقہ محکمے مشترکہ طور پر امدادی کارروائیوں میں حصہ لے رہے ہیں۔

Comments

- Advertisement -