The news is by your side.

Advertisement

بلوچستان میں سیلابی صورتحال، پاک فوج کا ریسکیو آپریشن جاری

بلوچستان کے مختلف اضلاع میں موسلادھار بارشوں کے بعد پاک فوج کا ریسکیو آپریشن جاری ہے ‏اور مقامی لوگوں کو محفوظ مقامات پر منتقل کیا جا رہا ہے۔

آئی ایس پی آر کے مطابق بلوچستان کےساحلی علاقوں میں موسلادھار بارش کاسلسلہ جاری ہے، ‏گوادر اولڈ ٹاؤن کے نشیبی علاقوں میں سیلابی صورتحال ہے اور شہر میں جمع پانی سے مقامی ‏آبادی اور سیاحوں کو شدید مشکلات کا سامنا ہے۔ ‏

پھنسے ہوئے افراد کے لیے پاک فوج کا ریسکیو آپریشن جاری ہے اور امدادی سرگرمیوں میں سول ‏انتظامیہ کی مدد بھی حاصل کی گئی ہے۔

مختلف علاقوں میں پھنسےسیاحوں اور گاڑیوں کو محفوظ مقامات پر منتقل کیاگیا ہے۔ مشینری اور ‏واٹرباؤزر، سکشن پمپ بھی پانی کونکالنےکیلئےاستعمال کیاگیا ہے۔

کوسٹل ہائی وےپسنی، سوربندر، نگور اور جیوانی میں ریسکیو آپریشن کیا گیا اور اس دوران خوراک ‏کے ساتھ رہائش بھی فراہم کی گئی۔

پاکستان کوسٹ گارڈزجیوانی، پشوکان اور گوادر میں پانی نکالنے میں مصروف ہے۔ ماہی گیروں کی ‏کشتیوں کو محفوظ مقامات پر منتقل کرنے میں مدد کی جا رہی ہے۔

دوسری جانب مکران میں6 جنوری تک تینوں اضلاع میں محکموں کی چھٹیاں منسوخ کر دی گئی ‏ہیں۔ کمشنرمکران کا کہنا ہے کہ تمام محکموں کو الرٹ رہنےکا حکم جاری کر دیا ہے اور پی ڈی ایم ‏اے کسی بھی ناخوشگوار صورتحال سے نمٹنےکیلئےتیار رہے جہاں نقصانات ہوئےوہاں لوگوں کو ‏ریلیف کا آغاز ہو چکا ہے۔

Comments

یہ بھی پڑھیں