اسلام آباد : نیشنل فلڈ ریسپانس کوآرڈینیشن سینٹر کے ترجمان نے بتایا ہے کہ ملک کے مختلف علاقوں میں سیلابی حادثات میں 26افراد جاں بحق اور 11زخمی ہوگئے۔
اس حوالے سے این ایف آرسی سی کی جاری کردہ رپورٹ کے مطابق 14جون سے اب تک جاں بحق ہونے والوں کی کل تعداد1290ہو گئی۔
جاں بحق ہونے والوں میں 570مرد،259خواتین اور453بچے شامل ہیں، مختلف حادثات میں12588افراد زخمی بھی ہوئے۔
این ایف آرسی سی ترجمان کے مطابق ساگوپل کو ملانے کے لئے دونوں جانب سے کام جاری ہے، سیلاب اور بارشوں کے باعث ملک کے مختلف حصوں میں ریلوے نیٹ ورک بھی شدید متاثر ہوا ہے۔
اس کے علاوہ صوبہ بلوچستان میں کوئٹہ تافتان اورکوئٹہ سبی اور سبی سے حبیب کوٹ کئی کلومیٹر تک پانی کھڑے رہنے سے ریلوے ٹریک بند بھی بند کردیا گیا۔
نیشنل فلڈ ریسپانس کوآرڈینیشن سینٹر کی رپورٹ کے مطابق پنجاب اور سندھ کے درمیان حیدرآباد سے روہڑی اور ملتان تک ریلوے ٹریفک متاثر ہورہی ہے، سندھ میں کوٹری سے لکھی شاہ اور دادو تک ریلوے لائن متاثرہوئی ہے۔
