The news is by your side.

Advertisement

بارشوں کے بعد دریائے چناب میں اونچے درجے کے سیلاب کا خدشہ، وارننگ جاری

لاہور: دریائے چناب میں اونچے درجے کے سیلاب کے خدشے کے پیش نظر وارننگ جاری کردی گئی ، سیلابی ریلہ آج دن 2 بجے سے رات ایک بجے تک مرالہ سے گزرے گا۔

تفصیلات کے مطابق مقبوضہ کشمیر میں شدید بارشوں کے باعث دریائے چناب میں اونچے درجے کے سیلاب کی وارننگ جاری کردی گئی۔

دریائے چناب میں مرالہ ہیڈ ورکس پر اونچے درجے کے سیلاب کا امکان ہے ، فلڈفارکاسٹنگ ڈویژن کا کہنا ہے کہ مرالہ کے مقام پر 2 سے 3 لاکھ کیوسک کا سیلابی ریلا گزرے گا ، سیلابی ریلہ آج دن 2 بجے سے رات ایک بجے تک مرالہ سے گزرے گا۔

ایف ایف ڈی کا مزید کہنا تھا کہ خانکی ہیڈورکس پر سیلابی ریلہ 13 جولائی کی رات 12سے شام 6 بجے تک متوقع ہے جبکہ قادر آباد ہیڈورکس پر صبح 6بجے سےرات 12بجے تک سیلابی ریلہ گزرے گا۔

فلڈفارکاسٹنگ ڈویژن کے مطابق دریائےچناب میں گرنےوالےنالوں میں 12 سے13جولائی تک اونچے درجے کا سیلاب متوقع ہے ، اس حوالے سے متعلقہ اداروں کو صورتحال سے نمٹنے کیلئے الرٹ رہنے کی ہدایات جاری کر دی گئی ہے۔

پی ڈی ایم اے کی جانب سے کہا گیا ہے ک اونچے درجے کے سیلاب کےنقصان سے بچاؤ اور دریا کے کنارے آباد افراد کی منتقلی کے اقدمات کیے جائیں ، سیالکوٹ، گوجرانوالہ، گجرات، حافظ آباد، چنیوٹ اور جھنگ متاثر ہوسکتے ہیں۔

Comments

یہ بھی پڑھیں