رنویر سنکھ کی فلم 83 بھارت میں تو ناکام قرار پائی لیکن دنیا بھر میں کامیاب ہوکر کمائی کا ریکارڈ قائم کردیا۔
رنویر سنگھ اور دیپکا پاڈوکون جیسے ستاروں سے سجی فلم 83 بھارت میں ریلیز ہوئی تو سب کے خواب چکناچور ہوگئے اور شائقین فلم نے اسے مسترد کردیا۔
البتہ انڈیا سے باہر دنیا بھر میں شائقین فلم نے 83 کو بے حد سراہا اور یہ فلم بزنس کے اعتبار سے سال 2021 کی سب سے کامیاب بھارتی فلم قرار پائی ہے۔
فلم 83 نے دنیا بھر سے تقریباْ 63 کروڑ بھارتی روپے (8.4ملین امریکی ڈالر) بین الاقوامی مارکیٹ سے سمیٹے۔
غیر ملکی شوبز جریدے کے مطابق فلم کا بزنس 65 کروڑ روپے تک جاسکتا ہے۔
بھرپور تشہیر، رنویر سنگھ اور دیپیکا پاڈوکون جیسے نامور اداکاروں کی فلم میں موجودگی کے باوجود اس فلم کو بھارتی فلمی شائقین نے مسترد کردیا اور مقامی باکس آفس پر یہ فلم بدترین ناکامی سے دوچار ہوئی۔
واضح رہے کہ 83 فلم کو 1983 میں بھارت کے پہلی بار کرکٹ کا عالمی چیمپئن بننے کے تناظر میں بنایا گیا تھا اور رنویر سنگھ نے اس فلم میں فاتح کپتان کپیل دیو کا کردار ادا کیا تھا۔
