The news is by your side.

Advertisement

امریکہ : خاتون کا ٹیکسی ڈرائیور پر وحشیانہ حملہ، خوفناک ویڈیو وائرل

فلوریڈا : امریکہ میں ایک خاتون نے آن لائن ٹیکسی ڈرائیور پر قاتلانہ حملہ کردیا، خاتون نے اچانک ڈرائیور کی گردن دبا کر اس کو دانتوں سے کاٹ لیا، پولیس نے ملزمہ کو حراست میں لے لیا۔

امریکی ریاست فلوریڈا میں ایک عجیب واقعہ پیش آیا جس میں آن لائن ٹیکسی میں سوار ایک 55سالہ خاتون نے وحشیانہ انداز سے 22سالہ ڈرائیور کو دبوچ لیا خاتون کی گرفت اتنی مظبوط تھی کہ اس کا دم گھٹنے لگا۔

یہی نہیں گاڑی کی پچھلی نشست پر بیٹھی اس خاتون اسٹیل ویل نے جو پیشے کے اعتبار سے نرس بتائی جارہی ہے ڈرائیور مائیکل ہاسی جونیئر کی گردن پر دانتوں سے پوری طاقت سے کاٹ لیا، جس پر وہ چیخ اٹھا۔

غیر ملکی خبر رساں ادارے کے مطابق 22سالہ ڈرائیور مائیکل ہاسی جونیئر نے میڈیا کو بتایا کہ وہ خاتون پچھلی نشست پر بیٹھی سو رہی تھی کہ اپنے گھر کے قریب پہنچنے پر اچانک چیخنے لگی اور برا بھلا کہتے ہوئے میرے منہ پر زور دار تھپڑ دے مارا۔

ڈرائیور کے مطابق اس نے خاتون کے حملے سے بچنے کی بہت کوشش کی اس دوران وہ گاڑی روک چکا تھا اور اترنے ہی والا تھا تو اس نے پیچھے سے دونوں ہاتھوں سے اسے جکڑ لیا یہاں تک کہ میرا سانس رکنے لگا اس کے بعد خاتون نے اس کی گردن پر پوری طاقت سے کاٹا۔

بعد ازاں چیخ و پکار سن کر وہاں موجود لوگوں نے اس ڈرائیور کو وحشی خاتون کی گرفت سے آزاد کرایا اور پولیس کو اطلاع کردی، جس نے جائے وقوعہ سے ملزمہ اسٹیل ویل کو اپنی حراست میں لے لیا۔

پنیلاس کاؤنٹی پولیس آفیسر نے بتایا کہ خاتون کا طبی معائنہ کیا گیا ہے جس کی رپورٹ کے مطابق مذکورہ خاتون شراب کے نشے میں دھت تھی، پولیس نے اس حوالے سے مزید کوئی تفصیل جاری نہیں کی ہے۔

Comments

یہ بھی پڑھیں