واشنگٹن: امریکا میں 8 سالہ طالبعلم کو ہتھکڑی لگا کر گرفتار کرلیا گیا جس کی ویڈیو سوشل میڈیا پر وائرل ہوگئی۔
غیرملکی خبررساں ادارے کی رپورٹ کے مطابق امریکی ریاست فلوریڈا میں پولیس نے ٹیچر کو مکا مارنے کے الزام پر 8 سالہ طالبعلم کو ہتھکڑی لگا کر لاک اپ کردیا جس کی ویڈیو وائرل ہوگئی۔
رپورٹ کے مطابق اسکول کی پرنسپل نے تھانے میں ایک طالبعلم کی شکایت پولیس سے کی تھی جس میں کہا گیا تھا کہ مذکورہ بچے نے ایک ٹیچر کو مارا ہے جس پر فلوریڈا پولیس کے افسران نے طالب علم کے ہاتھوں میں ہتھکڑی لگائی اور اسے تھانے منتقل کردیا۔
Unbelievable!! @KWPOLICE used “scared straight” tactics on 8yo boy with special needs. He's 3.5 ft tall and 64 lbs, but they thought it was appropriate to handcuff and transport him to an adult prison for processing!! He was so small the cuffs fell off his wrists! pic.twitter.com/iSTlXdKas6
— Ben Crump (@AttorneyCrump) August 10, 2020
بچے کی والدہ نے الزام عائد کیا کہ 8 سالہ بچے کے ساتھ عادی مجرموں جیسا سلوک کیا گیا، بچے کے فنگر پرنٹس لیے گئے، ڈی این ٹیسٹ کیا گیا اور جیل میں رکھا گیا۔
اٹارنی جنرل نے عدالت میں موقف اختیار کیا کہ پولیس نے گرفتاری کے لیے مجوزہ طریقہ کار پر عمل کیا ہے اور قانون کے مطابق ہی تمام امور کو انجام دیا ہے۔
دوسری جانب بچے کے وکیل کا کہنا تھا کہ پولیس نے ایک بچے کی گرفتاری کے لیے بھی وہی طریقہ اختیار کیا جو ایک عادی کے مجرم کے لیے ہے۔
یاد رہے کہ یہ واقعہ دسمبر 2018 میں پیش آیا تھا، بچے کو ضمانت پر رہا کردیا گیا تھا تاہم والدہ کو 9 ماہ تک قانونی جنگ لڑنے کے بعد بچے کے خلاف مقدمہ خارج ہونے پر کامیابی ملی۔
