The news is by your side.

Advertisement

فلور ملز ایسوسی ایشن نے ہڑتال کی کال واپس لے لی

لاہور: پاکستان فلور ملز ایسوسی ایشن نے کل دی جانے والی ہڑتال کی کال واپس لے لی۔

تفصیلات کے مطابق ایف بی آر نے آٹے اور چوکر پر 17 فیصد سیلز ٹیکس کے خاتمے کا نوٹیفکیشن جاری کردیا جس کے بعد فلور ملز ایسوسی ایشن نے ہڑتال کی کال واپس لے لی۔

فلور ملز ایسوسی ایشن کا کہنا ہے کہ آٹے اور اس کی تمام مصنوعات کی سپلائی معمول کے مطابق جاری رہے گی۔

واضح رہے کہ اس سے قبل پاکستان فلور ملز ایسوسی ایشن کا کہنا تھا کہ اگر چوکر پر عائد سیلز ٹیکس ختم نہ ہوا تو کل پورے پاکستان میں فلور ملز بند کرکے ہڑتال کریں گے۔

فلور ملز ایسوسی ایشن کے چیئرمین کا کہنا تھا کہ بجٹ میں گندم اور چوکر پر سیلز ٹیکس عائد کردیا گیا ہے، چوکر پر سیلز ٹیکس سے آٹے کا تھیلا 40 روپے مہنگا ہوجائے گا۔

مزید پڑھیں: فلور ملز مالکان کا آٹے کی فی بوری پر چھ سو روپے تک من مانا اضافہ

ادھر سندھ سرکل کے چیئرمین جاوید یوسف کا کہنا تھا کہ اگر چوکر پر عائد سیلز ٹیکس ختم نہ کیا گیا تو مجبوراً آٹے کی قیمت میں 3 روپے فی کلو اضافہ ناگزیر ہوگا۔

دوسری جانب مشیر پورٹ اینڈ شپنگ محمود مولوی کا کہنا تھا کہ چوکر پر سیلز ٹیکس عائد نہیں کیا گیا ہے، چوکر سے متعلق ایف بی آر کل نوٹیفکیشن جاری کرے گا۔

مشیر پورٹ اینڈ شپنگ محمود مولوی نے کہا کہ چوکر کو جواز بنا کر فیکٹریاں بند کرنا بلاجواز ہے۔

واضح رہے کہ چند روز قبل انجمن تاجران پاکستان کی جانب سے ٹیکس عائد کیے جانے کے خلاف ملک گیر ہڑٹال کی گئی تھی۔

تاجروں کی جانب سے حکومت کی جانب سے لگائے گئے جی ایس ٹی اور دیگر محصولات کو واپس لینے کا مطالبہ کیا گیا تھا۔

Comments

comments

یہ بھی پڑھیں