The news is by your side.

لیفٹیننٹ جنرل نوید مختار نے پھولوں کی سالانہ نمائش کا افتتاح کیا

کراچی : کور کمانڈر کراچی لیفٹیننٹ جنرل نوید مختار نے آج ہارٹی کلچر سوسائٹی آف پاکستان کے زیر اہتمام پھولوں کی 65 ویں سالانہ نمائش کا افتتاح کیا۔

پھولوں کی سالانہ نمائش کا انعقاد ڈیفنس ہاؤسنگ اتھارٹی اور کنٹونمنٹ بورڈ کلفٹن کے تعاون سے سی ویو پارک، کراچی میں کیا گیا۔

اس سال کے فلاور شو کو بابائے باغبانی اے کے خان مرحوم کے نام سے منسوب کیا گیا، جن کا حال ہی میں انتقال ہوا ہے۔

تقریب سے خطاب کرتے ہوئے مہمان خصوصی کورکمانڈرکراچی لیفٹیننٹ جنرل نوید مختار نے ہارٹی کلچر سوسائٹی کی خدمات کو سراہا۔

انہوں نے کہا کہ ہارٹی کلچر سوسائٹی انیس سو پچاس سے اب تک صحت مندانہ سرگرمیوں کے فروغ کیلئے کوشاں ہے، ان کا کہنا تھا کہ اس طرح کی سرگرمیوں سے ملک اور خاص طور پر شہر قائد کے امیج کو بہتر کرنے میں مدد ملے گی۔

لیفٹیننٹ جنرل نوید مختار نے بابائے باغبانی اے کے خان مرحوم کو بھی خراج تحسین پیش کیا، اس موقع پر ہارٹی کلچر سوسائٹی کے چیئرمین کلیم فاروقی نے اس کامیاب شو کے انعقاد پر تعاون کرنے والے اداروں اور افراد کا خصوصی طور پر شکریہ ادا کیا۔

بعد ازاں بہترین رہائشی باغ، پارکوں، فیکٹریوں کے باغات، ہسپتالوں کے باغات، مساجد کے باغات، کے فاتحین کیلئے ایوارڈز کا اعلان کیا گیا۔

Print Friendly, PDF & Email

Comments

comments

یہ بھی پڑھیں