سول ایوی ایشن نے تمام فلائنگ کلب کی تحقیقات کا حکم دے دیا flying clubs
The news is by your side.

Advertisement

سول ایوی ایشن نے تمام فلائنگ کلب کی تحقیقات کا حکم دے دیا

کراچی: سول ایوی ایشن اتھارٹی نے ملک بھر کے تمام فلائنگ کلبز کی تحقیقات کا حکم دے دیا۔

ذرائع کے مطابق فلائنگ کلبوں کے انسٹرکٹرز کے لائسنس اور چھوٹے طیاروں کی جانچ پڑتال کی جائے گی جب تک جانچ پڑتال کا عمل مکمل نہیں ہوگا اس وقت تک فلائنگ کلب تربیت کے لیے سیسنا طیارے نہیں اڑاسکیں گے۔

فیصل آباد میں تربیتی طیارے کے حادثے کے بعد ڈی جی سول ایوی ایشن اتھارٹی نے واقعے کی تحقیقات کا حکم دے دیا ہے جس کے بعد تمام فلائنگ کلبز کو چھوٹے طیاروں کو اڑانے کی اجازت نہیں دی۔

واضح رہے کہ گذشتہ دنوں اے آروائی نیوز نے لاہور کے فلائنگ کلب کے حوالے سے نشاندہی کی تھی کہ فلائنگ کلب اسٹوڈنٹس پائلٹ لائسنس (ایس پی ایل) کے بغیر تربیت حاصل کرنے والے طالب علموں سے فلائنگ کروائی جارہی تھی جو ایوی ایشن قوانین کی سخت خلاف ورزی تھی۔

اے آروائی کی خبر نشر ہونے کے بعد سی اے اے نے لاہور کے نجی کلب پر تحقیقات شروع کردی تھی ، جس کے بعد آج فیصل آباد طیارہ حادثہ کے بعد سول ایوی ایشن اتھارٹی نے تمام فلائنگ کلبوں کی تحقیقات کا حکم دیا ہے اور تربیت کیلئے پروازوں پر پابندی عائد کردی ہے۔

Comments

comments

یہ بھی پڑھیں