The news is by your side.

Advertisement

اڑنے والی مچھلی جیسا روبوٹ تیار

ماہرین نے پانی کی جانچ کے لیے ایسا روبوٹ تیار کرلیا جو پانی سے جست لگا کر باہر نکل سکتا ہے اور کچھ دیر تک پرواز کرسکتا ہے۔

امپیریل کالج لندن کے ماہرین کی جانب سے تیار کیے گئے اس روبوٹ کو فلائنگ فش کا نام دیا گیا ہے۔ یہ پانی میں رہنے کے بعد جست لگا کر باہر نکل سکتا ہے اور اس دوران اپنا توان برقرار رکھ سکتا ہے۔

پانی سے نکلنے کے بعد یہ 26 میٹر تک ہوا میں بلند ہوسکتا ہے۔

یہ کوئی ڈرون یا روبوٹک ہوائی جہاز نہیں ہے۔ اس روبوٹ کو تیار کرنے کا مقصد یہ ہے کہ یہ پانی کے نمونے لے کر انہیں ماہرین تک پہنچا سکے۔

یہ روبوٹ ان مشکل مقامات کے لیے بہترین ہے جہاں تک انسانوں کی رسائی نہیں ہوسکتی، اس روبوٹ کے ذریعے برف کے درمیان سے پانی کے نمونے لینا بھی آسان ہوجائے گا۔

روبوٹ میں ایک چھوٹا سا ٹینک منسلک کیا گیا ہے جہاں پانی جمع ہوتا رہتا ہے۔ فی الوقت اس روبوٹ کو تجرباتی بنیادوں پر استعمال کیا جارہا ہے اور ماہرین کو امید ہے کہ جلد وہ اس سے سمندروں اور دریاؤں کی بھی جانچ کرسکیں گے۔

Comments

comments

یہ بھی پڑھیں