ٹوکیو: جاپان میں غبارے کی طرح نظر آنے والی پراسرار شے کی پرواز نے سوشل میڈیا پر نئی بحث چھیڑ دی۔
غیرملکی خبررساں ادارے کی رپورٹ کے مطابق جاپان کے شہر سینڈائے میں شہریوں نے نامعلوم شے کی پرواز(یو ایف او) دیکھی، غبارے اور چاند کی طرح نظر آنے والی شے نے پوری قوم کی توجہ حاصل کرلی اور سوشل میڈیا پر صارفین اس موضوع پر بحث کرتے دکھائی دے رہے ہیں۔
رپورٹ کے مطابق ایک صارف نے حیرت انگیز مناظر کی ویڈیو سوشل میڈیا پر شیئر کرتے ہوئے لکھا کہ ’کوئی بتا سکتا ہے یہ کیا چیز ہے؟۔ جس کے بعد ہزاروں صارفین ورطہ حیرت میں مبتلا ہوگئے۔
2020年6月17日宮城県上空の白い気球の正体
★気球の直径推定60m
★太陽光パネル推定5×3mが22枚
推定発電量22000ワット
★推進力姿勢制御プロペラ計6枚
約10mの巨体プロペラ中央に4枚
前後に高度制御用各1枚
★推定重量3t
製造🇰🇵北朝鮮か#白い気球 #白い球体 #白い物体 #仙台上空 #japan #balloon #UFO pic.twitter.com/HIKzuB40s8— VirusDoctor (@VirusDoctor3) June 18, 2020
جاپان کے محکمہ موسمیات کا کہنا ہے کہ مذکورہ شے بظاہر موسم کا جائزہ لینے والا غبارہ لگ رہی ہے لیکن یہ ہمارا نہیں ہے۔ پولیس نے ہیلی کاپٹر کی مدد سے پراسرار پرواز کی شناخت کرنے کی کوشش کی لیکن تاحال کچھ پتا نہیں چل سکا۔
ملک میں ’کیوشو‘ نامی یونیورسٹی سے متعلق قیاس کیا جارہا تھا کہ مذکورہ پرواز یونیورسٹی کی کسی تحقیق کا حصہ ہوسکتی ہے لیکن تعلیمی ادارے کی انتظامیہ نے اس پرواز سے لاتعلقی کا اعلان کردیا۔
حکومت کا کہنا ہے کہ معاملے کا جائزہ لے رہے ہیں یہ کوئی بیرونی سازش بھی ہوسکتی ہے۔