The news is by your side.

امریکی رکن کانگریس کی پاکستان کیلئے ریلیف بل لانے کی یقین دہانی

واشنگٹن: امریکی کانگریس کی فنانس کمیٹی کی چیئر پرسن میکسن واٹرز نے پاکستان کیلئے ریلیف بل لانے کی یقین دہانی کرادی۔

تفصیلات کے مطابق وزیرخارجہ بلاول بھٹو نےامریکی کانگریس کی فنانس کمیٹی کی چیئرپرسن میکسن واٹرزسے ملاقات کی۔

ملاقات میں مسلمان رکن کانگریس الہان عمر، ڈیموکریٹ رہنما طاہرجاوید بھی شریک تھے، میکسن واٹرز کی ارکان کانگریس کے ہمراہ پاکستانی سفارتخانے میں بلاول بھٹو سے ملاقات ہوئی۔

وزیرخارجہ بلاول بھٹو نے پاکستان میں سیلاب کی صورتحال سےامریکی وفد کوآگاہ کیا۔

بلاول بھٹو کا کہنا تھا کہ موجودہ صورت حال میں عالمی برادری کا تعاون ناگزیر ہے، پاکستان میں سیلاب سے تیس بلین ڈالر کا نقصان ہوا ہے۔۔

میکسن واٹرز نے کانگریس میں پاکستان کیلئےریلیف بل لانے کی یقین دہانی کرائی۔

ڈیموکریٹ رہنما طاہرجاوید نے کہا کہ بائیڈن انتظامیہ پاکستانی سیلاب زدگان کیلئے امداد بڑھائیں۔

Comments

یہ بھی پڑھیں