وزیر خارجہ کی وزیراعظم پاکستان سے ملاقات، دورہ امریکا سے متعلق بریفنگ Imran Khan
The news is by your side.

Advertisement

وزیر خارجہ کی وزیراعظم سے ملاقات، دورہ امریکا سے متعلق بریفنگ

اسلام آباد: وزیر خارجہ شاہ قریشی نے آج وزیر اعظم پاکستان سے ملاقات کی ہے۔

تفصیلات کے مطابق اس ملاقات میں وزیر خارجہ نے وزیراعظم عمران خان کو دورہ امریکا سے متعلق تفصیلات سے آگاہ کیا.

وزیر خارجہ نے دورہ واشنگٹن اور نیویارک سےمتعلق بریفنگ دی اور جنرل اسمبلی اجلاس میں شرکت اورامریکی حکام سے ملاقاتوں کے بارے میں بتایا۔

وزیر خارجہ شاہ محمود قریشی نے کہا کہ امریکا کا دورہ  مطلوبہ نتائج کے حصول میں معاون ثابت ہوا.

شاہ محمود قریشی کا کہنا تھا کہ عالمی رہنماؤں سے ہونے والی ملاقاتوں میں مثبت پیش رفت ہوئی، ان کے سامنے پاکستان کا موقف پیش کیا گیا.

مزید پڑھیں: شاہ محمود کی امریکی ہم منصب مائیک پومپیو سے ملاقات: تعلقات از سرِ نو استوار کرنے پر گفتگو

واضح رہے کہ دورے امریکا میں وزیرخارجہ شاہ محمود قریشی نے امریکی وزیر خارجہ مائیک پومپیو سمیت اہم عہدے داروں‌ سے ملاقات کی. وزیر خارجہ کی امریکی صدر سے بھی غیررسمی ملاقات ہوئی.

بعد ازاں شاہ محمود قریشی نے اقوام متحدہ کی جنرل اسمبلی سے خطاب کیا، جس میں انھوں نے پاکستان میں ہونے والی دہشت گردی کی کارروائیوں کو بھارتی پشت پناہی کا نتیجہ قرار دیا.

Comments

comments

یہ بھی پڑھیں