The news is by your side.

Advertisement

وزیرخارجہ شاہ محمود قریشی کی چینی ہم منصب وانگ ژی سے ملاقات

بیجنگ : وزیرخارجہ شاہ محمود قریشی نے چینی ہم منصب وانگ ژی سے ملاقات کی ، ملاقات میں پاک چین تعلقات اوراہم امور پر تبادلہ خیال کیا گیا۔

تفصیلات کے مطابق وزیرخارجہ شاہ محمود قریشی چینی ہم منصب سےملاقات کیلئے چین کے صوبے حینان پہنچے ، جہاں‌ چینی وزیر خارجہ وانگ ژی نے ان کا پرتپاک استقبال کیا، دونوں وزرائے خارجہ کے مابین تہنیتی جملوں کا تبادلہ ہوا۔

جس کے بعد وزیرخارجہ شاہ محمود کی چینی ہم منصب وانگ ژی سے ملاقات ہوئی ، ملاقات میں پاک چین تعلقات اوراہم امور پر تبادلہ خیال کیا گیا۔

وزرائے خارجہ ملاقات کے بعد پاک چین اسٹریٹجک مذاکرات کا آغازہو گا۔

گذشتہ روز وزیر خارجہ شاہ محمود قریشی 2 روزہ سرکاری دورے پر چین کے دارلحکومت بیجنگ پہنچے، دورے میں وہ چین کی اعلیٰ قیادت سے ملاقاتیں کریں گے اور پاک چین اسٹریٹجک مذاکرات میں پاکستان کی نمائندگی کریں گے۔

وزیر خارجہ شاہ محمود قریشی نے دورہ چین کے حوالے سے بیان میں کہا تھا کہ پاکستان،چین دنیا کی بدلتی صورت حال پر تبادلہ خیال کے خواہشمند ہیں،اقتصادی راہداری سمیت مختلف شعبوں میں تعاون پر بات ہوگی،کشمیر کی صورتحال دونوں ممالک کے لیے اہمیت کی حامل ہے۔

وزیر خارجہ کا کہنا تھا کہ مظلوم کشمیریوں سے جو سلوک روا رکھا گیا ہے وہ سب کے علم میں ہے،چین کے تعاون سے 55 سال بعد 3 بار مسئلہ کشمیر کو سلامتی کونسل میں لائے۔

انہوں نے کہا تھا کہ چین اور پاکستان نے کرونا وبا پر کافی حد تک قابو پالیا ہے،کرونا وبا میں کمی کے بعد یہ میرا پہلا دورہ چین ہے ، چین اور پاکستان جانتے ہیں خطے میں اہم تبدیلیاں ہوئی ہیں۔

Comments

یہ بھی پڑھیں