لندن: وزیر خارجہ شاہ محمود قریشی دو روزہ دورے پر لندن پہنچ گئے، وزیر خارجہ دولت مشترکہ اجلاس میں پاکستان کی نمائندگی کریں گے۔
تفصیلات کے مطابق وزیر خارجہ شاہ محمود قریشی دو روزہ دورے پر لندن پہنچ گئے، ہیتھرو ایئرپورٹ پر پاکستانی سفیر نفیس ذکریا اور سفارتی حکام نے خیرمقدم کیا، وزیر خارجہ برطانیہ میں آزادی اظہار رائے پر عالمی کانفرنس میں بھی شریک ہوں گے۔
[bs-quote quote=”وزیر خارجہ شاہ محمود قریشی کی دیگر ممالک کے وزرائے خارجہ سے بھی ملاقاتیں متوقع ہیں” style=”style-8″ align=”left”][/bs-quote]
شاہ محمود قریشی پاکستانی کمیونٹی کے پروگرام میں شرکت کریں گے، وزیر خارجہ مقامی و بین الاقوامی میڈیا سے بھی گفتگو کریں گے۔
وزیر خارجہ شاہ محمود قریشی کی دیگر ممالک کے وزرائے خارجہ سے بھی ملاقاتیں متوقع ہیں۔
انہوں نے کہا کہ برطانوی ہم منصب کی دعوت پر لندن آیا ہوں، کامن ویلتھ کانفرنس میں پاکستان کی نمائندگی کروں گا، اوورسیز کمیونٹی سے بھی ملاقات ہوگی۔
جج ارشد ملک کی ویڈیو کے معاملے پر شاہ محمود قریشی کا کہنا تھا کہ احتساب عدالت جج کی ویڈیو کی کوئی حقیقت نہیں ہے، تردید کے بعد ویڈیو کی کوئی اہمیت نہیں رہی۔
شاہ محمود قریشی نے کہا کہ حقائق سامنے آگئے ہیں ویڈیو کو توجہ نہیں مل رہی ہے، ویڈیو کے ذریعے حقائق مسخ کرنے کی کوشش کی گئی۔
