The news is by your side.

Advertisement

حکومت نیشنل ایکشن پلان پر اس کی روح کے مطابق عمل کر کے دکھائے گی: وزیرِ خارجہ

اسلام آباد: وزیرِ خارجہ شاہ محمود قریشی نے کہا ہے کہ حکومت نیشنل ایکشن پلان پر اس کی روح کے مطابق عمل کر کے دکھائے گی، پاکستان پر یلغار ہو رہی تھی تو پیپلز پارٹی اور ن لیگ کی حکومتیں کیا کر رہی تھیں۔

شاہ محمود قومی اسمبلی کے اجلاس میں اظہارِ خیال کر رہے تھے، انھوں نے کہا کہ پاکستان کو جب بلیک لسٹ میں ڈالا گیا تو اس وقت کس کی حکومت تھی، ہم نے بائیکاٹ کیا لیکن او آئی سی اجلاس میں کسی کو پاکستان مخالف بات نہیں کرنے دی گئی، پاکستان امن اور استحکام کی جانب گام زن ہے۔

بھارت کے طیارے حسن صدیقی اور نعمان علی خان نے مار گرائے، بھارتی جارحیت کا پاکستان نے فوری منہ توڑ جواب دیا، دونوں پائلٹس ہمارے قومی ہیروز ہیں۔

شاہ محمود قریشی

وزیرِ خارجہ شاہ محمود قریشی کا کہنا تھا کہ پاکستان کے مفاد کے لیے سب متحد ہیں، بلاول بھٹو کے اظہارِ یک جہتی کو ہم سراہتے ہیں، پاکستان کے دفاع کے لیے قوم متحد ہے، بھارتی طیارے گرانے والے پائلٹس کو خراج تحسین پیش کرتے ہیں۔

شاہ محمود نے کہا کہ بھارت کے طیارے حسن صدیقی اور نعمان علی خان نے مار گرائے، بھارتی جارحیت کا پاکستان نے فوری منہ توڑ جواب دیا، دونوں پائلٹس ہمارے قومی ہیروز ہیں۔

وزیرِ خارجہ کا کہنا تھا کہ حکومت کے حالیہ اقدامات ملک کے بہترین مفاد میں ہیں، اپوزیشن رہنماؤں نے بھی او آئی سی اجلاس کے بائیکاٹ کی حمایت کی، بھارتی پائلٹ کو قومی مفاد میں رہا کیا۔

یہ بھی پڑھیں:  کشمیر پر اقوام متحدہ کی قراردادوں پر دھول جم چکی ہے: بلاول بھٹو زرداری

انھوں نے کہا کہ سوال اٹھتے ہیں نیشنل ایکشن پلان پر حقیقی معنوں میں عمل کیوں نہ ہوا، ہماری حکومت اس کی روح کے مطابق عمل کر کے دکھائے گی۔

شاہ محمود نے اپوزیشن کی تنقید کے جواب میں کہا کہ جن معاشی مسائل کی نشان دہی کی گئی وہ 6 ماہ کی پیداوار تو نہیں، معیشت کی بد حالی کی ذمہ دار پچھلی حکومتیں ہیں ہم نہیں۔

Comments

comments

یہ بھی پڑھیں