The news is by your side.

Advertisement

اسپین کے وزیر خارجہ کا مقبوضہ کشمیر کے معاملے پر کردار ادا کرنے کا عندیہ

اسلام آباد : اسپین کے وزیر خارجہ نے شاہ محمود قریشی کو یورپی یونین کی طرف سے مقبوضہ کشمیر کے معاملے پر کردار ادا کرنے کا عندیہ دے دیا۔

تفصیلات کے مطابق وزیر خارجہ شاہ محمود قریشی نے اسپین کے وزیر خارجہ اور یورپی یونین کےاعلیٰ عہدیدار جوزف بوریل سے  ٹیلفونک رابطہ کیا، جس میں مقبوضہ کشمیر میں جاری بھارتی جارحیت اور خطے میں امن کی مخدوش صورتحال پر تبادلہ خیال کیا گیا۔

وزیرخارجہ نے کہا بھارت انسانی حقوق کی سنگین خلاف ورزیوں کا مرتکب ہو رہا ہے، مقبوضہ کشمیر میں مسلسل کرفیو، لاک ڈاؤن سے خوراک کی شدید قلت ہے، مقبوضہ کشمیر میں یکطرفہ اقدامات یواین قراردادوں کے منافی ہیں۔

اس موقع پر اسپین وزیر خارجہ کے وزیر خارجہ کا کہنا تھا ہم صورتحال کا باریک بینی سے جائزہ لے رہے ہیں اور یورپی یونین کی طرف سے کردار ادا کرنے کا عندیہ بھی دیا۔

مزید پڑھیں :  شاہ محمود قریشی کا جنوبی افریقا کی ہم منصب سے ٹیلی فونک رابطہ

اس سے قبل وزیر خارجہ شاہ محمود نے جنوبی افریقا سے ٹیلی فونک رابطہ  کرکے مقبوضہ جمّوں وکشمیر میں انسانی حقوق کی خلاف ورزیوں سے متعلق تبادلہ خیال کیا۔

شاہ محمود قریشی کا کہنا تھا کہ بھارت انسانی حقوق کی خلاف ورزیاں جاری رکھے ہوئے ہے، مقبوضہ کشمیرمیں 12 دن سے کرفیو کے سبب زندگی اجیرن ہوچکی ہے ، کشمیریوں کوخوراک ادویات تک میسرنہیں ہو رہیں، بھارت غیرآئینی اقدامات سے خطے کے امن کو تہہ وبالا کرنا چاہتا ہے۔

جنوبی افریقا کی وزیرخارجہ ڈاکٹرنالیڈی پنڈور نے کہا  تھا کہ صورت حال مانیٹر کر رہے ہیں جبکہ  جنوبی افریقا کی پارلیمان سے متفقہ قرارداد لانے کا عندیہ بھی دیا۔

Comments

comments

یہ بھی پڑھیں