The news is by your side.

Advertisement

وزیرخارجہ کی سوڈان اور صومالیہ کے وزرائے خارجہ سے ملاقات

نائیجر: وزیرخارجہ شاہ محمود قریشی نے سوڈان اور صومالیہ کے وزرائے خارجہ سے ملاقات کی ، جس میں اقتصادی تعاون کے فروغ پر بات چیت کی گئی۔

تفصیلات کے مطابق وزیرخارجہ شاہ محمودقریشی اور سوڈان کےوزیرخارجہ کےدرمیان ملاقات ہوئی ، ملاقات میں دوطرفہ تعلقات اورمختلف شعبوں میں تعاون پربات چیت کی گئی اور اقتصادی تعاون کے فروغ کے لیے مشاورت جاری رکھنے پراتفاق ہوا۔

شاہ محمود قریشی نے کہا کہ افریقی ممالک سے معاشی تعلقات مستحکم کرنے کی پالیسی پرعمل پیراہیں، سیکیورٹی ،زراعت اورتعلیم سمیت دیگرشعبوں میں تعاون کےفروغ کےمواقع موجودہیں۔

دوسری جانب وزیرخارجہ شاہ محمودقریشی کی صومالیہ کے وزیرخارجہ سے بھی ملاقات ہوئی ، جس میں تجارت اورمعیشت کےشعبوں میں تعاون پربات چیت کی گئی۔

وزیرخارجہ شاہ محموقریشی نے صومالیہ کی تعمیر و ترقی میں تعاون جاری رکھنے کی یقین دہانی کرائی۔

صومالی وزیرخارجہ احمدعیسیٰ نے کہا کہ صومالیہ میں امن وامان کی صورتحال بہتری کی جانب گامزن ہے، انسداد دہشت گردی کے لیے پاکستان کے تجربات سےاستفادہ کریں گے۔

Comments

یہ بھی پڑھیں