The news is by your side.

Advertisement

آرٹیکل 370 اور35اےکاخاتمہ عالمی قوانین کی صریحاً خلاف ورزی ہے، وزیرخارجہ

بھارتی اقدام خطے کی صورتحال کو مزید خراب کرنے کے مترادف ہے

اسلام آباد : وزیر خارجہ شاہ محمود قریشی او آئی سی کے ہنگامی اجلاس سے خطاب کرتے ہوئے کہا آرٹیکل 370 اور35اےکاخاتمہ عالمی قوانین کی صریحاً خلاف ورزی ہے ، بھارتی اقدام خطے کی صورتحال کو مزید خراب کرنے کے مترادف ہے۔

تفصیلات کے مطابق مقبوضہ کشمیر کی صورتحال پر جدہ میں او آئی سی کا ہنگامی اجلاس جاری ہے، اجلاس میں پاکستان،سعودی عرب، آذربائیجان، ترکی شریک ہیں جبکہ دیگرممالک کےمندوبین ، نمائندگان نے بھی شرکت کی، پاکستانی وفد کی قیادت وزیر خارجہ شاہ محمود قریشی کر رہے ہیں۔

وزیر خارجہ شاہ محمود قریشی نے او آئی سی کے ہنگامی اجلاس کے شرکا سے خطاب کرتے ہوئے کہا ہنگامی اجلاس طلب کرنے پرتمام شرکامنتظمین کاشکرگزارہوں۔

شاہ محمود قریشی کا کہنا تھا کہ مقبوضہ جموں و کشمیر دنیا بھر میں سب سے زیادہ ملیٹرائزڈایریا ہے، مقبوضہ کشمیر میں بھارت نےتعلیمی اداروں کوبند کردیا، ایمرجنسی کی کیفیت بھارتی ارادوں کاپتہ دے رہے تھے۔

انھوں نے کہا آرٹیکل 370 اور35اےکاخاتمہ عالمی قوانین کی صریحاً خلاف ورزی ہے، مقبوضہ کشمیر میں 1989سے اب تک ایک لاکھ کشمیریوں کوشہید کیاجاچکا ہے، ایک لاکھ 8ہزار بچے یتیم ہوئے۔

وزیر خارجہ کا کہنا تھا کہ بھارتی اقدام خطے کی صورتحال کو مزید خراب کرنے کے مترادف ہے، مقبوضہ کشمیر میں بھارتی اقدام پر آپ کی فوری توجہ کی متقاضی ہے۔

Comments

comments

یہ بھی پڑھیں