The news is by your side.

Advertisement

وزیرخارجہ شاہ محمود قریشی سعودی عرب پہنچ گئے

جدہ : وزیرخارجہ شاہ محمودقریشی سعودی عرب پہنچ گئے ، جہاں وہ سعودی ہم منصب سمیت اہم ملاقاتیں کریں گے ، ملاقاتوں میں دوطرفہ تعلقات سمیت مقبوضہ کشمیرکی موجودہ صورتحال پر تبادلہ خیال کیا جائے گا۔

تفصیلات کے مطابق وزیرخارجہ شاہ محمودقریشی ایک روزہ سرکاری دورےپرسعودی عرب پہنچ گئے ، کنگ خالد انٹرنیشنل ایئرپورٹ پر پاکستانی سفیر اور عملے نےوزیرخارجہ کا استقبال کیا۔

دورے کے دوران وزیرخارجہ شاہ محمود قریشی سعودی ہم منصب سمیت اہم ملاقاتیں کریں گے ، ملاقاتوں میں دوطرفہ تعلقات سمیت مقبوضہ کشمیرکی موجودہ صورتحال پرتبادلہ خیال کیاجائے گا، ملاقاتوں کے دوران خطے میں امن وامان کی صورتحال پر بھی غور ہوگا۔

وزیر خارجہ کا دورہ امن و امان اور روابط کے فروغ کی پالیسی کا حصہ ہیں۔

گذشتہ روز وزیرخارجہ شاہ محمودقریشی نے استنبول میں میڈیا سے گفتگو کرتے ہوئے کہا تھا ترکی نے شہریت کیلئے دروازے کھولے ہیں، جو شہریت سے مستفید ہونا چاہتا ہے ہو ہمیں اعتراض نہیں، غیر قانونی امیگریشن یقیناً تشویش کا باعث ہے، غیرقانونی امیگریشن پر پاکستان، ایران اور ترکی کو مل کر بیٹھنا ہوگا۔

شاہ محمودقریشی کا کہنا تھا کہ ہارٹ آف ایشیاکانفرنس میں ہماری بہت اچھی نشست ہوئی، کانفرنس میں پاکستان کی نمائندگی کی، کانفرنس کےاختتام پر استنبول ڈیکلیئریشن انتہائی جامع ہے، آئندہ ریجنل ٹیکنیکل گروپوں کےاجلاس بلائےجائیں گے۔

انھوں نے کہا کہ افغانستان کاامن اوراستحکام ہمارےمفادمیں ہے، پاکستان سمجھتاہےافغانستان میں قیام امن سےتجارت بڑھےگی ، پاکستان کیلئےافغانستان میں سرمایہ کاری،تعمیرنوکےمواقع ہوں گے ، امریکاافغان طالبان مذاکرات میں پاکستان نےمثبت کرداراداکیا، ہارٹ آف ایشیاکانفرنس میں واضح کیاافغان امن عمل چاہتےہیں۔

Comments

comments

یہ بھی پڑھیں