The news is by your side.

Advertisement

کشمیر کی صورتحال ، وزیر خارجہ شاہ محمود قریشی آج شام اہم پریس کانفرنس کریں گے

اسلام آباد : وزیر خارجہ شاہ محمود قریشی یواین سیکرٹری جنرل سے رابطے کے بعد آج شام ساڑھے 5بجے وزارت خارجہ میں اہم پریس کانفرنس کریں گے۔

تفصیلات کے مطابق وزیرخارجہ شاہ محمود قریشی اور یواین سیکرٹری جنرل انتونیو گوتریس کے درمیان آج شام پانچ بجے رابطہ ہوگا، اس دوران کشمیر کی صورتحال پر گفتگو ہوگی جبکہ وزیر خارجہ یواین سیکرٹری جنرل کو مقبوضہ کشمیر میں انسانی حقوق کی خلاف ورزیوں اور امن و امان کی مخدوش صورتحال سے آگاہ کریں گے ۔

جس کے بعد وزیر خارجہ شاہ محمود قریشی آج شام ساڑھے 5بجے وزارت خارجہ میں اہم پریس کانفرنس کریں گے۔

گذشتہ روز وزیرخارجہ شاہ محمودقریشی نے جاپانی ہم منصب سےٹیلیفونک رابطہ کرکے کہا تھا کہ بھارت مقبوضہ کشمیرمیں آبادی کا تناسب تبدیل کرناچاہتا ہے، بھارت مقبوضہ کشمیرمیں خون کی ہولی کھیلناچاہتاہے، عالمی تنظیمیں نسل کشی الرٹ جاری کررہی ہیں، جاپان کشمیریوں کیلئے اپنا کردار ادا کرے۔

مزید پڑھیں : دو ایٹمی ممالک کے درمیان جنگ مشترکہ خود کشی کے مترادف ہوگی، شاہ محمود قریشی

اس سے قبل وزیرخارجہ شاہ محمود قریشی کا کہنا تھا کہ دو ایٹمی قوتوں کو جنگ سے گریز کرنا چاہیے، ایٹمی ممالک کے درمیان جنگ مشترکہ خودکشی کے مترادف ہوگی، بدقسمتی سے ہماری مذاکرات کی دعوت کو سنجیدگی سے نہیں لیا گیا۔

شاہ محمود قریشی نے کہا تھا کہ بھارت مقبوضہ کشمیرمیں سو دہشت گردوں کےداخلےکاجھوٹاپروپیگنڈا کررہاہے، مقبوضہ وادی میں خون خرابہ ہوسکتاہے، بھارت مقبوضہ کشمیر سے توجہ ہٹانے کیلئے پاکستان پرانگلیاں اٹھائے گا، سیکریٹری جنرل اقوام متحدہ سےاپیل کرتاہوں کہ وہ مسئلہ کشمیر پر کردار ادا کریں اور مطالبہ کیا کہ مقبوضہ کشمیر میں ہیومن رائٹس کمیشن کوجانے کی اجازت دی جائے۔

Comments

comments

یہ بھی پڑھیں