The news is by your side.

Advertisement

وزیر خارجہ شاہ محمود قریشی اہم دورے پر چین روانہ

اسلام آباد : وزیر خارجہ مخدوم شاہ محمود قریشی اہم دورے پر چین روانہ ہوگئے ، اپنے دورے میں وہ چینی قیادت سے ملاقاتیں کریں گے، جس میں سیکیورٹی تعاون پر تبادلہ خیال ہوگا اور سی پیک، لداخ اور خطے کی سیکورٹی صورتحال پر بھی بات ہوگی۔

تفصیلات کے مطابق وزیر خارجہ مخدوم شاہ محمود قریشی 2روزہ دورے پر چین روانہ ہوگئے، سیکرٹری خارجہ سہیل محمود بھی ان کے ہمراہ ہیں، دورے کے دوران وزیر خارجہ چین میں چینی قیادت سے ملاقاتیں کریں گے ،پاک چین اسٹرٹیجک مذاکرات کے دوسرے دور میں شرکت کریں گے۔

وزیرخارجہ کےدورے کےدوران سیکیورٹی تعاون پر تبادلہ خیال ہوگا اور سی پیک، لداخ اور خطے کی سیکورٹی صورتحال پر بھی بات ہوگی جبکہ سی پیک فیز 2سمیت مختلف شعبوں میں تعاون کے فروغ پر گفتگو ہوگی۔

ذرائع کے مطابق شاہ محمود قریشی چینی صدر کے متوقع دورہ پاکستان پربھی گفتگوکریں گے جبکہ اپنےچینی ہم منصب وانگ ژی سےملاقات بھی کریں گے اور دونوں ممالک کےدرمیان وفودکی سطح پر مذاکرات بھی ہوں گے۔

وزیر خارجہ شاہ محمود قریشی نے چین روانگی سے قبل ویڈیو پیغام میں کہا کہ آج میں ایک اہم دورےپر چین روانہ ہو رہا ہوں ، دورے سے متعلق کل وزیر اعظم سے تفصیلی بات چیت ہوئی، میرا وفدپاکستان کی سیاسی اورعسکری قیادت کی سوچ کی عکاسی کرے گا، امید ہے چینی وزیرخارجہ سےملاقات دونوں ممالک کیلئے مفید ثابت ہو گی۔

خیال رہے شاہ محمود قریشی کورونا وبا کے بعد چین کا دورہ کرنے والی پہلی سیاسی شخصیت ہیں جبکہ پاک چین اسٹرٹیجک مذاکرات کا پہلا دور مارچ میں منعقد ہوا تھا۔

Comments

یہ بھی پڑھیں