The news is by your side.

Advertisement

وزیرخارجہ آج متحدہ عرب امارات کے 3روزہ دورے پر روانہ ہوں گے

اسلام آباد: وزیرخارجہ شاہ محمود قریشی آج متحدہ عرب امارات کے 3روزہ دورے پر روانہ ہوں گے ، جہاں یواےای کی اعلیٰ قیادت سے ملاقاتوں میں باہمی تجارت،سرمایہ کاری پربات ہوگی۔

تفصیلات کے مطابق ترجمان دفترخارجہ کی جانب سے جاری بیان میں کہا گیا ہے کہ وزیرخارجہ شاہ محمود قریشی متحدہ عرب امارات کا 3روزہ دورہ کریں گے، دورےکےدوران شاہ محمود قریشی ہم منصب سے ملاقات کریں گے۔

ترجمان دفترخارجہ نے کہا یواےای کی اعلیٰ قیادت سےملاقاتوں میں باہمی تجارت،سرمایہ کاری پربات ہوگی ، خطے کی صورتحال اور باہمی دلچسپی کے امور پر تبادلہ خیال کیا جائے گا۔

ترجمان کا کہنا تھا کہ وزیرخارجہ یو اے ای میں پاکستانی کمیونٹی سے ملاقات اور انٹرنیشنل میڈیا سے گفتگو بھی کریں گے۔

انھوں نے مزید کہا کہ پاکستان اور متحدہ عرب امارات مضبوط برادرانہ تعلقات سے جڑے ہیں، پاک یو اے ای میں مذہب، تاریخ اور اقدار پر مبنی گہرے تعلقات ہیں۔

Comments

یہ بھی پڑھیں