The news is by your side.

Advertisement

وزیرخارجہ شاہ محمودقریشی کی افغان ہم منصب سے کابل میں ملاقات

کابل: وزیرخارجہ شاہ محمود قریشی چارملکی دورے کے پہلے مرحلے میں کابل پہنچے جہاں دونوں ملکوں کے درمیان وفود کی سطح پر مذاکرات ہوئے۔

تفصیلات کے مطابق وزیرخارجہ شاہ محمود قریشی افغانستان، ایران، چین اورروس کے 3 روزہ دورے کے پہلے مرحلے میں کابل پہنچے جہاں پاکستانی سفیراورافغان وزارت خارجہ کے اعلیٰ حکام نے ان کا استقبال کیا۔

پاکستان اور افغانستان کے درمیان وفود کی سطح پر مذاکرات ہوئے، پاکستانی وفد کی قیادت شاہ محمود قریشی جبکہ افغان وفد کی قیادت وزیرخارجہ صلاح الدین ربانی نے کی۔

سیکریٹری خارجہ تہمینہ جنجوعہ اور وزارت خارجہ کے حکام بھی وزیر خارجہ شاہ محمود قریشی کے ہمراہ تھے۔

شاہ محمود قریشی دورے کے دوران مختلف شعبوں میں تعاون بڑھانے کے لیے ان ملکوں کی اعلیٰ قیادت سے پاکستان کے دو طرفہ تعلقات پربات چیت کریں گے۔

وزیرخارجہ ان ملکوں کے رہنماؤں کے ساتھ تیزی سے بدلتی ہوئی علاقائی اور عالمی صورت حال پر بھی تبادلہ خیال کریں گے۔ ملاقاتوں میں افغانستان میں امن اور مفاہمت سے متعلق حالیہ پیشرفت کا جائزہ بھی لیا جائے گا۔

وزیر خارجہ شاہ محمود قریشی کا دورے پر روانگی سے قبل میڈیا سے گفتگو کرتے ہوئے کہنا تھا کہ علاقائی ممالک سے قریبی تجارتی وسیاسی تعلقات اہم ترجیح ہے۔

وزیرِ خارجہ شاہ محمود قریشی کی افغان صدر اشرف غنی سے ملاقات


یاد رہے کہ گزشتہ ہفتے وفاقی وزیرِ خارجہ شاہ محمود قریشی اورافغان صدر اشرف غنی کے درمیان ملاقات میں اہم علاقائی اور باہمی دلچسپی کے امور پر گفتگو ہوئی تھی۔

وزیرِ خارجہ شاہ محمود کا کہنا تھا کہ مذاکراتی فورم سے روابط کے فروغ اور خطے میں امن و استحکام میں مدد ملے گی۔

Comments

comments

یہ بھی پڑھیں