The news is by your side.

Advertisement

بھارت پاکستان کوبلیک لسٹ کرانےکی کوششیں میں کبھی بھی کامیاب نہیں ہوسکے گا، وزیر خارجہ

اسلام آباد : وزیر خارجہ شاہ محمود قریشی نے کہا ہے کہ بھارت پاکستان کوبلیک لسٹ کرانےکی کوششیں میں کبھی بھی کامیاب نہیں ہوسکے گا، منہ کی کھانی پڑے گی، کچھ قوتیں چاہتی ہیں مسلمان آپس میں بکھرے رہیں ، پاکستان کی خواہش ہے2اسلامی برادرملکوں میں اختلافات نہ ہوں۔

تفصیلات کے مطابق نے کشمیریوں سےاظہاریکجہتی کیلئے انسانی ہاتھوں کی زنجیربنانے کی تقریب کے موقع پر میڈیا سے گفتگو میں کہا بھارت پاکستان کو بلیک لسٹ کرانے کی کوششیں کررہاہے، انشااللہ بھارت کبھی بھی کامیاب نہیں ہوسکےگا اور اس کو باربارمنہ کی کھانی پڑے گی۔

شاہ محمود قریشی کا کہنا تھا کہ کچھ قوتیں چاہتی ہیں مسلمان آپس میں بکھرے رہیں، پاکستان کے سعودی عرب سے گہرے تعلقات ہیں، سعودی عرب ہمارا اسٹریٹجک پارٹنر ہے اور ایران ہمارا پڑوسی اوردوست بھی ہے۔

کچھ قوتیں چاہتی ہیں مسلمان آپس میں بکھرے رہیں

وزیرخارجہ نے مزید کہا کہ پاکستان کی خواہش ہے2اسلامی برادرملکوں میں اختلافات نہ ہوں، ہم کوشش کررہےہیں دونوں برادرممالک میں غلط فہمیاں دورہوں، یہ خطہ کسی غیریقینی صورتحال کامتحمل نہیں ہوسکتا، ہم ایران اورسعودی عرب جائیں گے اور کوشش ہوگی غلط فہمیاں اور ٹینشن دورہوں۔

پاکستان کی خواہش ہے2اسلامی برادرملکوں میں اختلافات نہ ہو

مسلم لیگ ن کے حوالے سے ان کا کہنا تھا کہ قانونی طورپر شہبازشریف ن لیگ کے صدر ہیں، ن لیگ اس وقت پوری طرح مولاناصاحب کیساتھ متفق نہیں ہے، ایک دھڑا مولانا کے مؤقف کیساتھ ہے اکثریت نہیں۔

شاہ محمود قریشی نے کہا کہ پیپلزپارٹی دھرنےکی سیاست کوجمہوریت کیلئے نقصان دہ سمجھتی ہے، بلاول سے کہوں گا کیا وجہ ہے کہ ان کو دھرنے کی ضرورت پڑ گئی ، بلاول بتائیں آج کس کے اشارے پردھرنے کےحق میں بول رہےہیں، سب جانتے ہیں دھرنے کی سیاست کے پیچھے مقاصد کچھ اور ہیں۔

27 اکتوبر کو یوم سیاہ منایا جائے گا

وزیرخارجہ کا کہنا تھا کہ 27 اکتوبر کو یوم سیاہ منایا جائے گا،بھارتی عزائم کو بےنقاب کریں گے ، آج بھی عیدگاہ کے سامنے کشمیریوں سے یکجہتی کیلئے ریلی نکل رہی ہے، کشمیریوں سے یکجہتی کا مظاہرہ کرنے پر علما کا بھی شکریہ اداکرتا ہوں۔

برطانوی شاہی جوڑے کا دورہ خیر سگالی کاہے

شاہی جوڑے کی پاکستان آمد سے متعلق انھوں نے کہا کہ برطانوی شاہی جوڑا14اکتوبر کو پاکستان تشریف لارہےہیں، برطانوی شاہی جوڑے کا دورہ خیر سگالی کاہے ، شہزادہ ولیم کی والدہ پرنسز ڈیانا کا پاکستان میں انسانیت کی خدمت میں اہم کردار ہے۔

شاہ محمود قریشی کا کہنا تھا کہ وزیراعظم عمران خان نے دنیا کو دہرے معیار کی طرف اشارہ دیاہے ، 80 لاکھ کشمیریوں کو قید کردیا ، مظالم کو عالمی میڈیا کبھی کبھی دکھاتا ہے ، کشمیرمیں68دن سےکرفیوپرعالمی دنیاپر کوئی اثر نہیں ہورہا، ہانگ کانگ میں کچھ ہوتاہےتودنیابھرمیں ہیڈلائن بن جاتی ہے۔

کشمیرمیں68دن سےکرفیوپرعالمی دنیاپر کوئی اثر نہیں ہورہا

وزیر خارجہ نے کہا ترکی پاکستان کااچھادوست ہےہم انکانقطہ نظرسنتے بھی ہیں، ترکی ہماری حمایت کرتاہےاورہم قدرکی نگاہ سےدیکھتےہیں۔

Comments

comments

یہ بھی پڑھیں