The news is by your side.

Advertisement

پاکستان نئی امریکی انتظامیہ سے مل کرکام کرنے کیلئے پُرعزم

اسلام آباد : وزیر خارجہ شاہ محمود قریشی کا کہنا ہے کہ پاکستان اور نئی امریکی انتظامیہ مل کرکام کرناچاہتے ہیں ، توقع ہے نئی انتظامیہ کشمیریوں کو بھارتی استبداد سے نجات دلانے میں مددگار ہو گی۔
.
تفصیلات کے مطابق وزیر خارجہ شاہ محمود قریشی نے اپنے بیان میں نئی امریکی صدر کے حوالے سے کہا ہے کہ امریکہ میں آج ایک نئی انتظامیہ ذمے داریاں سنبھال رہی ہے، پاکستان اور نئی امریکی انتظامیہ مل کرکام کرناچاہتے ہیں، نئی امریکی انتظامیہ میں شامل بیشترشخصیات خطے سے واقفیت رکھتی ہیں۔

شاہ محمود قریشی کا کہنا تھا کہ جو بائیڈن، فارن ریلیشنز کمیٹی کے بہت متحرک اور فعال رکن تھے ، جوبائیڈن جب پاکستان تشریف لائے تو میں نے ان کا خیر مقدم کیا ، جو بائیڈن، جنوبی ایشیائی خطے اور پاکستان کے حوالے سے واضح رائے رکھتے ہیں اور افغانستان کے حوالے سے ہمارے نقطہ نظر میں مطابقت ہے۔

مقبوضہ کشمیر کے حوالے سے وزیر خارجہ نے کہا کہ مقبوضہ جموں و کشمیر میں انسانی حقوق کی صورتحال انتہائی تشویشناک ہے ، صورت حال کی نشاندہی دنیا کر رہی ہے، انشااللہ صورتحال کی جلد امریکی پارلیمنٹ میں بھی بازگشت سنائی دے گی۔

ان کا کہنا تھا کہ توقع ہے نئی انتظامیہ کشمیریوں کو بھارتی استبداد سے نجات دلانے میں مددگار ہو گی ، نئی امریکی انتظامیہ کا چین سے رویہ محاذ آرائی نہیں بلکہ مسابقت کا ہے ، خصوصی اقتصادی زونزمیں سرمایہ کاری پر امریکی سرمایہ کاروں کا خیرمقدم کریں گے۔

Comments

یہ بھی پڑھیں