The news is by your side.

Advertisement

بھارت کا بیانیہ پٹ رہا ہے، وہ فالس فلیگ آپریشن کی تلاش میں ہے، شاہ محمود قریشی

بھارت کب تک چھپے گا کب تک بھاگے گا ہم اس کا پیچھا کریں گے

اسلام آباد : وزیر خارجہ شاہ محمود قریشی نے کہا ہے کہ بھارت چاہتا ہے مقبوضہ کشمیر سے عالمی توجہ ہٹ جائے، ان کابیانیہ پٹ رہاہے، وہ فالس فلیگ آپریشن کی تلاش میں ہے لیکن بھارت کب تک چھپے گا کب تک بھاگے گا ہم اس کا پیچھا کریں گے۔

تفیصیلات کے مطابق وزیر خارجہ شاہ محمود قریشی نے اے آر وائی نیوز کے پروگرام باخبر سویرا میں بات چیت کرتے ہوئے کہا بھارتی آرمی چیف کادعویٰ تھا 3لانچنگ پیڈز کو نشانہ بنایا، بھارت کا بیانیہ مقبوضہ کشمیرمیں پٹ گیا، فیصلہ کیا گیا سفارتکاروں کو ایل او سی پر لے جایا جائے تاکہ سفارتکار خود جاکر دیکھ لیں کہ صورتحال کیا ہے۔

وزیر خارجہ کا کہنا تھا کہ بھارتی سفارتخانے کو بھی ساتھ چلنے کی دعوت دی، مقصد تھا بھارتی سفارت کار خود اصل صورتحال جان لیں ، بھارتی سفارت کارخود صورتحال جان لیتے تو بھارت کو سمجھانے میں آسانی ہوتی۔

شاہ محمود قریشی نے کہا تھا کہ بھارت چاہتا ہے مقبوضہ کشمیر سے عالمی توجہ ہٹ جائے،بھارت بے نقاب ہو رہا ہے،ان کابیانیہ پٹ رہاہے، وہ فالس فلیگ آپریشن کی تلاش میں ہے اور پاکستان میں انتشار پھیلانے کی کوشش کررہا ہے۔

ان کا کہنا تھا کہ بھارت چاہتا ہے کہ پاکستان اپنے مسائل میں الجھا رہے ، 27 اکتوبر کو بھارت کیخلاف یوم سیاہ منائیں گے ، اور دنیا میں بےنقاب کریں، بھارت کب تک چھپے گا کب تک بھاگےگا ہم اس کا پیچھا کریں گے۔

مزید پڑھیں : بھارتی آرمی چیف کا دعویٰ ، غیر ملکی سفیروں اور میڈیا نمائندگان کا لائن آف کنٹرول کا دورہ

وزیر خارجہ نے کہا آج امریکی کانگریس میں مقبوضہ کشمیر زیربحث آئے گا ، اس سے پہلے امریکی کانگریس میں کبھی کشمیر زیربحث نہیں آیا۔

شاہ محمدو قریشی کا کہنا تھا کہ بھارتی ڈپٹی ہائی کمشنرسمیت تمام سفارتکاروں کودورےکی دعوت دی، بھارتی ڈپٹی ہائی کمشنر نے ثبوت دیئے اور نہ آنےکی زحمت کی ، کیا بھارت میں اتنی ہمت ہے مقبوضہ کشمیر میں لوگوں کو آنے کی دعوت دے۔

گذشتہ روز شاہ محمود قریشی نے کہا تھا ک   بھارتی آرمی چیف کو بے نقاب کرنے کے لیے حکومت پاکستان نے فیصلہ کیا ہے، ڈپلومیٹک کورکو اپنے ساتھ ایل  او سی پر لے کرجائیں جہاں بھارتی آرمی چیف نے دعوی کیا ہے اسٹرئیک کا۔

وزیر خارجہ کا کہنا تھا کہ  بالاکوٹ سے متعلق بھی بھارت غلط بیانی کر چکا ہے، پاکستان نے بھارتی ڈپٹی ہائی کمشنر کو بھی کہا ساتھ چلیں اور دیکھیں، ابھی تک کوئی جواب نہیں آیا، مقبوضہ کشمیر میں بھارتی بیانیہ ناکام ہوگیا ہے

Comments

comments

یہ بھی پڑھیں