The news is by your side.

Advertisement

جلال آباد میں پاکستانی سفارت خانے کےباہر دھماکاافسوسناک ہے ، وزیر خارجہ

اسلام آباد : وزیرخارجہ شاہ محمود قریشی نے جلال آباد میں پاکستانی سفارت خانے کےباہر دھماکے کو افسوسناک قرار دیتے ہوئے کہا حقائق جاننے کی کوشش کر رہے ہیں ، پاکستانی سفیر کو زخمیوں کےعلاج معالجے کے انتظامات کی ہدایت کر دی ہے۔

تفصیلات کے مطابق وزیرخارجہ شاہ محمود قریشی نے اپنے بیان میں کہا جلال آباد میں پاکستانی سفارت خانے کےباہر دھماکاافسوسناک ہے ، کانسٹیبل اور ویزہ کےلیے آئے اشخاص کےزخمی ہونے کی اطلاعات ہیں ، تاہم سفارت خانے کا عملہ الحمدللہ مکمل طور پر محفوظ ہے۔

وزیرخارجہ کا کہنا تھا پاکستانی سفارتخانے کے عملے کے ساتھ مسلسل رابطے میں ہیں ، حقائق جاننے کی کوشش کر رہے ہیں ، پاکستانی سفیر کو زخمیوں کےعلاج معالجے کے انتظامات کی ہدایت کر دی ہے۔

شاہ محمود قریشی نے مزید کہا کہ افغان حکومت سےسفارتخانوں کوفول پروف سیکورٹی دینےکی بات کروں گا۔

مزید پڑھیں : جلال آباد میں پاکستانی قونصل خانے کے باہر آئی ای ڈی دھماکا، 6 زخمی

یاد رہے گذشتہ روز افغانستان کے شہر جلال آباد میں پاکستانی قونصل خانے کے قریب چیک پوسٹ پر دھماکا ہوا تھا ، جس میں کئی افراد کے زخمی ہونے کی اطلاع ہے تاہم پاکستانی عملہ محفوظ رہا تھا، دھماکا اس جگہ ہوا جہاں لوگ ویزے کے لیے قطار لگاتے ہیں۔

ذرایع کا کہنا تھا زخمیوں میں ایک افغان پولیس اہل کار اور پانچ ویزے کے لیے آنے والے افراد شامل ہیں، جلال آباد قونصل خانے کی سیکورٹی بڑھانے کے لیے بارہا افغان حکام کو کہا جا چکا ہے، پاکستانی قونصل خانہ پہلے ہی سے تھریٹ لسٹ پر ہے۔

دھماکے کے بعد افغان دفتر خارجہ نے پاکستانی قونصل خانے سے رابطہ کر کے کہا تھا کہ تمام پاکستانی قونصل خانوں کی سکیورٹی بڑھا دی گئی ہے۔

Comments

comments

یہ بھی پڑھیں