The news is by your side.

Advertisement

لندن میں اجتماع تاریخی ہوگا، وزیرخارجہ شاہ محمودقریشی

اسلام آباد : وزیرخارجہ شاہ محمودقریشی کا کہنا ہے کہ لندن میں اجتماع تاریخی ہوگا ، صورتحال کےپیش نظرلندن پولیس بھی الرٹ ہے۔

تفصیلات کے مطابق بھارت کا یوم آزادی یوم سیاہ کے طورپرمنایا جارہا ہے، یوم سیاہ پر کشمیریوں سے اظہار یکجہتی کیلئے لندن میں بھارتی ہائی کمیشن کے سامنے تاریخ ساز مظاہرہ کیا جارہا ہے ، برطانیہ بھر سے مظاہرین بھارتی ہائی کمیشن کی جانب رواں ہے۔

اس موقع پر وزیرخارجہ شاہ محمود قریشی نے کہا لندن میں اجتماع تاریخی ہوگا ، صورتحال کے پیش نظر لندن پولیس بھی الرٹ ہے۔

معاون خصوصی کا کہنا تھا انسانی حقوق پریقین رکھنے والے بھارتی احتجاج میں شریک ہوں گے، مظاہرے میں دیگر مذاہب کےلوگ بھی شریک ہوں گے۔

وزیرریلوےشیخ رشید بھی لندن مظاہرے میں شریک ہیں جبکہ ترکی کےنوجوان بھی احتجاجی مظاہرےمیں شرکت کیلئے پہنچ گئے ہیں۔

خیال رہے پاکستان بھر میں بھارت کے یوم آزادی کے موقع پر آج یوم سیاہ منا یا جارہا ہے ، یوم سیاہ پر کشمیری عوام سے اظہاریکجہتی کے لئے اسلام آباد میں سرکاری عمارتوں پرقومی پرچم سرنگوں کردیئے گئے ہیں۔

واضح رہے بھارت کی جانب سے مقبوضہ کشمیر کی خصوصی حیثیت ختم کرنے اور مقبوضہ وادی میں بھارتی فوج کے مظالم کے خلاف قومی سلامتی کمیٹی کے اجلاس میں فیصلہ کیا تھا کہ 15 اگست کو بھارت کا یوم آزادی یوم سیاہ کے طور پر منایا جائے گا۔

Comments

comments

یہ بھی پڑھیں