The news is by your side.

Advertisement

عمرشریف کے جسد خاکی کو جلد پاکستان لانے کے اقدامات کررہے ہیں، شاہ محمود قریشی

اسلام آباد : وزیر خارجہ شاہ محمود قریشی کا کہنا ہے کہ پاکستانی سفیر ڈاکٹر فیصل عمرشریف کی فیملی سے رابطے میں ہیں، عمرشریف کے جسد خاکی کو جلد پاکستان لانے کے اقدامات کررہےہیں۔

تفصیلات کے مطابق وزیر خارجہ شاہ محمود قریشی نے معروف کامیڈین عمر شریف کے انتقال پر اظہار افسوس کرتے ہوئے کہا ہے کہ عمرشریف صاحب کےانتقال کاسن کردلی صدمہ پہنچا، ہم عمرشریف کے اہلخانہ کےدکھ میں برابرکےشریک ہیں۔

شاہ محمودقریشی کا کہنا تھا کہ عمرشریف پاکستان کاایک اثاثہ تھے، ان کے انتقال پر پوری قوم رنجیدہ ہے۔

وزیر خارجہ نے مزید کہا کہ پاکستانی سفیرڈاکٹرفیصل عمرشریف کی فیملی سےرابطےمیں ہیں، عمرشریف کےجسد خاکی کوجلدپاکستان لانےکےاقدامات کررہےہیں۔

خیال رہے اسٹیج کے بے تاج بادشاہ کامیڈی کنگ عمر شریف انتقال کرگئے، وہ علاج کے لئے امریکا روانہ ہوئے تھے تاہم طبیعت کی خرابی کے باعث انہیں جرمنی کے ایک اسپتال میں داخل کرنا پڑا، جہاں وہ دوران علاج دم توڑ گئے۔

Comments

یہ بھی پڑھیں