The news is by your side.

Advertisement

پاکستان کا بھارتی ہائی کمشنر سے’سوامی‘ کی رہائی پراحتجاج

اسلام آباد: حکومتِ پاکستان نے بھارتی ہائی کمشنر کو دفترِ خارجہ طلب کرکے سمجھوتہ ایکسپریس کے مرکزی ملزم کی رہائی پر احتجاج کیا۔

تفصیلات کے مطابق انڈین ہائی کمشنر کو دفترِ خارجہ میں طلب کرکے سوامی اسیم آنند کی خصوصی ضمانت پر رہائی کے خلاف پاکستان کے تحفظات کا اظہارکرتے ہوئے اپنا احتجاج ریکارڈ کرایا۔

دفترِ خارجہ کی جانب سے جاری کردہ اعلامیے کے مطابق پاکستان کو اپنے شہریوں کی ہلاکت سے متعلق دہشت گردی کے مقدمات کو یوں خارج کرنے پر شدید تحفظات ہیں۔

سوامی اسیم آنند فروری 2007 میں ہونے سمجھوتہ ایکسپریس کے خوفناک دھماکوں کا ماسٹر مائنڈ اور مرکزی مجرم ہے۔

حکومتِ پاکستان نے سمجھوتہ ایکسپریس حادثے میں جاں بحق ہونے والے 42 پاکستانیوں کے اہل خانہ کے جذبات کی ترجمانی کرتے ہوئے بھارتی ہائی کمیشن سے مطالبہ کیا کہ اس بدترین جرم میں ملوث ملزمان کو قرار واقعی سزا دی جائے۔

Comments

comments

یہ بھی پڑھیں