The news is by your side.

Advertisement

مقبوضہ کشمیر کی صورتحال بہت خراب ہے، شاہ محمود قریشی

اسلام آباد: وزیر خارجہ شاہ محمود قریشی نے کہا ہے کہ بھارت نے اپنا چہرہ 70 سالوں میں بگاڑ دیا، ہندوستانی حکومت کے خلاف اپوزیشن بھی متحرک کھڑی ہے۔

اے آر وائی نیوز کی رپورٹ کے مطابق وزیر خارجہ شاہ محمود قریشی نے سینیٹ میں اظہار خیال کرتے ہوئے کہا کہ بھارتی اقدامات سے ان کا سیکولر چہرہ واضح ہوگیا، کشمیری آج خوف اور بے چینی کے عالم میں زندگی گزار رہے ہیں، مقبوضہ کشمیر کی صورتحال بہت خراب ہے۔

انہوں نے کہا کہ لاک ڈاؤن کی صورتحال میں کشمیریوں کا جائزہ لیں معلوم ہوگا، کشمیری کی صورتحال خطرناک ہے، انسانی حقوق کی تنظیمیں آج بھارت پر تنقید کررہی ہیں۔

شاہ محمود قریشی نے کہا کہ مقبوضہ کشمیر میں ذرائع ابلاغ کا ذریعہ روکا گیا مگر پھر بھی خبر باہر آتی ہے، رات گھروں پر چھاپے مار کر نوجوانوں کو حراست میں لے کر تشدد کیا جاتا ہے۔

واضح رہے کہ گزشتہ روز فاقی وزیر خارجہ شاہ محمود قریشی نے دنیا بھر میں تعینات پاکستانی سفرا کو ہدایت کی تھی کہ وہ مقبوضہ کشمیر کی صورت حال اور بھارت میں اسلامی فوبیا کے بڑھتے رجحان کو عالمی سطح پر اجاگر کریں۔

شاہ محمود قریشی کا کہنا تھا کہ محدودمعاشی و سائل کے باوجودکرونا کے خلاف اقدامات اٹھا رہےہیں، پاکستان جیسےترقی پذیرممالک کوبہت سی مشکلات کاسامناہے۔

اُن کا کہنا تھا کہ حکومت کرونا کے ساتھ ساتھ معاشی بحران سےبھی نکلنے کے لیے بھی اقدامات کررہی ہے۔

fb-share-icon0
Tweet 20

Comments

comments

یہ بھی پڑھیں