The news is by your side.

Advertisement

گرونانک کے550 ویں جنم دن پر یادگاری ٹکٹ جاری کریں گے، ترجمان دفترخارجہ

پاکستان کوبھارتی معاملات میں مداخلت کاکوئی شوق نہیں

اسلام آباد : ترجمان دفترخارجہ ڈاکٹر فیصل کا کہنا ہے گرونانک کے550 ویں جنم دن پر یادگاری ٹکٹ جاری کریں گے، پاکستان کوبھارتی معاملات میں مداخلت کاکوئی شوق نہیں، امیدہےافغان مفاہمتی عمل نتیجہ خیزہوگا۔

تفصیلات کے مطابق ترجمان دفترخارجہ ڈاکٹر فیصل نے ہفتہ وار بریفنگ دیتے ہوئے کہا سہیل محمودنےوزارت خارجہ کےسیکرٹری کاعہدہ سنبھال لیا، مقبوضہ کشمیر میں بھارتی بربریت کاسلسلہ جاری ہے، مختلف علاقوں میں 4کشمیریوں کوشہیدکیاگیا۔

زرک ظہیر کی موت کے حوالے سے ترجمان دفترخارجہ کا کہنا تھا زرک ظہیرکی ترکی میں المناک موت پرافسوس ہے، دفترخارجہ نےزرک ظہیرکےبھائی کے ویزے اور لواحقین کی مدد کی۔

وزیراعظم عمران خان 21 اور 22 اپریل کوایران کا دورہ اور چین کا دورہ بھی کریں گے

ڈاکٹر فیصل نے کہا وزیراعظم عمران خان 21 اور 22 اپریل کوایران کا دورہ اور چین کا دورہ بھی کریں گے، چین میں ون بیلٹ اینڈون روڈفورم میں شرکت کریں گے، ون بیلٹ ون روڈفورم پربھارت نہیں جارہاتواس کی مرضی، پاکستان کوبھارتی معاملات میں مداخلت کاکوئی شوق نہیں۔

ان کا کہنا تھا پاکستان نےایٹمی اثاثوں کی حفاظت کیلئےخصوصی انتظامات کیے، بلوچستان میں کلبھوشن پکڑا گیا تھا، بھارت بلوچستان میں ملوث تھا، دہشت گردی میں ملوث بیرونی ہاتھ کو بے نقاب کیا جائے گا۔

کرتارپورراہداری کے حوالے سے ترجمان نے کہا کرتارپور راہداری پرتکنیکی مذاکرات ہوئے، مذاکرات میں پل کی تعمیرسمیت اہم تکنیکی امور پرگفتگوکی گئی، گرونانک کے550 ویں جنم دن پر یادگاری ٹکٹ جاری کریں گے۔

گرونانک کے550 ویں جنم دن پر یادگاری ٹکٹ جاری کریں گے

ڈاکٹر فیصل کا کہنا تھا پاکستان افغانستان میں امن چاہتاہے، پاکستان چاہتاہےافغانستان میں امن کوموقع دیاجائے، شک ہےایک جانب سےجارحانہ رویےسےمعاملات بگڑسکتےہیں، امیدہےافغان مفاہمتی عمل نتیجہ خیزہوگا۔

افغان امن مذاکرات سے متعلق دفترخارجہ کے ترجمان نے کہا امریکااورافغان طالبان میں مذاکرات سےامن کاموقع پیداہوا،پاکستان مفاہمتی عمل میں سہولت کاری کا سلسلہ جاری رکھےگا، کسی فریق کی جانب سے تشدد کو ہوا دی گئی تو امن عمل متاثر ہوگا، پاکستان تمام فریقین سے تحمل کی توقع کرتاہے۔

امیدہےافغان مفاہمتی عمل نتیجہ خیزہوگا

ان کا مزید کہنا تھا بھارتی خاتون ٹیناکی وزارت داخلہ سےمعلومات لےرہےہیں، اطلاع کےمطابق کسی خاتون کواغوانہیں کیاگیا، ون بیلٹ ون روڈفورم پربھارت نہیں جارہاتواس کی مرضی، پاکستان کوبھارتی معاملات میں مداخلت کاکوئی شوق نہیں۔

ڈاکٹر فیصل نے کہا وزیراعظم کابھارت سےمتعلق بیان مختلف تھا، وزیرخارجہ وزیراعظم کےبیان پروضاحت کرچکے ہیں۔

Comments

comments

یہ بھی پڑھیں