لاہور : پنجاب میں شدید دھند کے باعث لاہور کے علامہ اقبال انٹرنیشنل ایئرپورٹ پر حد نگاہ انتہائی کم ہونے سے فلائٹ آپریشن شدید متاثر ہے۔
شدید دھند کے باعث اندرون و بیرون ملک کی پروازیں منسوخ اور تاخیر کا شکار ہیں۔ نہ صرف ایئرپورٹ بلکہ انتظامیہ نے شہریوں کو حادثات سے بچانے کیلئے موٹرویز کو بھی بند کردیا ہے۔
اس حوالے سے سول ایوی ایشن کے ذرائع کا کہنا ہے کہ لاہور ایئرپورٹ پردھند کےباعث حدنگاہ 150 میٹر رہ گئی ہے، لاہور سے مسقط، دمام، جدہ اور کراچی جانے والی پروازیں تاخیر کا شکار ہوگئیں۔
ترجمان سی اے اے کے مطابق دبئی اور سلالہ سے لاہور آنے والی پروازوں کو تاخیر کا سامنا کرنا پڑا جبکہ کراچی سے لاہور آنے والی دو پروازوں کو اسلام آباد اترنے کی ہدایات دی گئی ہیں۔
اس کے علاوہ کوالالمپور اور دبئی سے آنے والی دو پروازیں بھی اسلام آباد ائیرپورٹ پر اتریں گی جبکہ پی کے 306پی کے 307اور پی ایف148 منسوخ کردی گئی ہیں۔