site
stats
پاکستان

فیصل آباد میں دھند کےباعث حادثہ،2افراد جاں بحق

فیصل آباد: صوبہ پنجاب کےشہر فیصل آباد میں شدید دھند کے باعث موٹرسائیکل اور ٹرالرمیں تصادم کےنتیجے میں 2افراد جان کی بازی ہارگئے۔

تفصیلات کےمطابق فیصل آباد کے علاقےکراڑی کے رہائشی ناصر اقبال اور بلال احمد مقامی فیکٹری میں چھٹی کے بعد موٹرسائیکل پر کینال ایکسپریس وے سے اپنے گھر واپس جا رہے تھے۔

نلے والا کے قریب جھمرہ بائی پاس پر دھند کے باعث ناصراور بلال سڑک پر کھڑے کماد کے ٹرالے کو نہ دیکھ سکےاور موٹرسائیکل ٹرالے کے عقبی حصے سے جا ٹکرائی۔حادثے میں دونوں افراد موقع پر ہی جاں بحق ہو گئے۔

پولیس نے پوسٹ مارٹم کے لیے لاشیں سول اسپتال چک جھمرہ منتقل کر دیں لیکن دونوں افرادکے لواحقین نے کوئی قانونی کارروائی کرنے سے انکار کر دیا۔

خیال رہے کہ اپنے ماموں کےگھر مقیم متوفی بلال احمد کی لاش اس کے آبائی شہر چشتیاں روانہ کر دی گئی۔

مزید پڑھیں:ساہیوال میں دھند کےباعث ٹریفک حادثہ،5افراد جاں بحق

واضح رہےکہ گزشتہ ہفتےساہیوال میں جی ٹی روڈ پر دھند کے باعث 12 گاڑیاں آپس میں ٹکرا گئیں تھی جس کے نتیجے میں 5 افراد جاں بحق اور20زخمی ہوگئےتھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top