پنجاب کے مختلف شہروں اور کراچی میں دھند کا راج -
The news is by your side.

Advertisement

پنجاب کے مختلف شہروں اور کراچی میں دھند کا راج

لاہور: لاہور سمیت وسطی پنجاب میں دھند کا سلسلہ برقرار ہے۔ علامہ اقبال ائیرپورٹ پر پروازوں کا شیڈول متاثر ہوگیا۔ موٹر وے کے کئی سیکشنز پر حد نظر کم ہونے کے باعث ٹریفک کی روانی متاثر ہوئی جبکہ کراچی کے شہریوں کو بھی دھند کا سامنا رہا۔

تفصیلات کے مطابق ملک میں بارش نہ ہونے کے باعث کئی شہروں میں دھند کا راج ہوگا۔ دھند کے باعث کہیں حادثات تو کہیں پروازیں معطل ہوگئیں۔

پنجاب کے علاقے کوٹ مومن میں دھند کے باعث حد نگاہ صفر ہوگئی۔ دھند کی وجہ سے 2 مختلف ٹریفک حادثات میں 8 افراد زخمی ہوئے۔

لاہور کے مختلف علاقوں میں کہیں شدید دھند اور کہیں جزوی دھند رہی۔ لاہور ایئرپورٹ پر حد نگاہ 50 میٹر ہونے سے 20 سے زائد ملکی و غیر ملکی پروازوں کا شیڈول متاثر ہوا۔

مزید پڑھیں: دھند کے موسم میں احتیاطی تدابیر اختیار کریں

پتوکی، اوکاڑہ، ساہیوال کے اکثر مقامات پر حد نگاہ صفر ہوگئی۔ موٹر وے کے کئی سیکشنز پر حد نظر کم ہونے سے شہریوں کو مشکلات کا سامنا رہا۔

کراچی کے شہریوں کو بھی علی الصبح شدید دھند کا سامنا رہا۔ یونیورسٹی روڈ، ائیرپورٹ اور ملیر کے اطراف میں ٹریفک کی روانی شدید متاثر ہوئی۔

دھند کے باعث پروازوں کا شیڈول بھی متاثر ہوا۔ کراچی سے پشاور جانے والی پرواز پی کے 350 موسم کی خرابی کے باعث تاخیر کا شکار ہوئی جبکہ کراچی سے بدین، رحیم یار خان جانے والی پروازیں منسوخ کردی گئیں۔

نیشنل اور سپر ہائی وے پر بھی شدید دھند ریکارڈ کی گئی۔

Comments

comments

یہ بھی پڑھیں