سندھ اور پنجاب میں شدید دھند، حادثات میں 8 افراد جاں بحق -
The news is by your side.

Advertisement

سندھ اور پنجاب میں شدید دھند، حادثات میں 8 افراد جاں بحق

کراچی / لاہور: پنجاب کی فضاؤں میں تنی دھند کی دبیز چادر نے راستے دھندلا دیے۔ سڑکوں پر چھائی شدید دھند کے باعث پیش آنے والے حادثات میں مختلف شہروں میں 8 افراد ہلاک ہوگئے۔

تفصیلات کے مطابق سندھ اور پنجاب کی فضاؤں میں تنی دھند کی چادر جانیں لے گئی۔ کندھ کوٹ میں حد نگاہ صفر ہونے سے ڈرائیور بس پر قابو کھو بیٹھا۔ 2 مسافر کوچز میں تصادم سے چھ افراد کی جان گئی۔ درجنوں افراد منزل کے بجائے زخمی ہو کر اسپتال پہنچ گئے۔

مزید پڑھیں: دھند کے موسم میں احتیاطی تدابیر اختیار کریں

شدید دھند کے باعث فیصل آباد میں ٹریکٹر ٹرالی الٹ گئی۔ حادثے میں 2 افراد جاں بحق ہوگئے۔

موٹر وے پر بھی کئی مقامات پر دھند سفر میں خلل ڈالتی رہی۔

Comments

comments

یہ بھی پڑھیں