The news is by your side.

Advertisement

دھند کا راج برقرار: علامہ اقبال ایئرپورٹ پر پروازوں کا شیڈول متاثر

لاہور : دھند کے باعث علامہ اقبال ایئرپورٹ پروازوں کا شیڈول متاثر ہوگیا، دبئی استنبول اور لندن سمیت اندرون ملک پروازیں روک دی گئیں۔

تفصیلات کے مطابق پنجاب کے مختلف شہروں میں دھند کا راج برقرار ہے، روزانہ کی طرح آج بھی دھند کے باعث ملکی و بین الاقوامی پروازیں متاثر ہوئیں ہیں۔

ذرائع کا کہنا ہے کہ اندورن و بیرون ملک آمد و رفت کی متعدد پروازیں دھند کے باعث منسوخ ہوگئیں جبکہ دبئی استنبول اور لندن سمیت اندرون ملک پروازیں روک دی گئیں۔

ذرائع کے مطابق لندن سے لاہور آنے والی برٹش ایئرویز کی پرواز اسلام آباد اتار لی گئی اور دبئی، شارجہ اور ابوظبی سے لاہور آنے والی پروازیں بھی تاخیر کا شکار ہیں۔

ذرائع کا کہنا ہے کہ لاہور سے کراچی اور دبئی جانے والی پروازیں بھی روک دی گئی ہیں۔

Comments

یہ بھی پڑھیں