لاہور: پنجاب کے مختلف علاقوں میں شدید دھند کے باعث موٹر وے کو متعدد مقامات پر آمدورفت کے لئے بند کردیا گیا ہے، شدید دھند کے باعث علامہ اقبال انٹرنیشنل ایئرپورٹ پر پروازوں کاشیڈول بھی متاثر ہوگیا۔
اے آر وائی نیوز کے مطابق موٹروے ایم 1 پشاور سے برہان تک، موٹروے ایم 2 لاہور سے کوٹ مومن تک دھند کے باعث بند کردی گئی ہے۔
ترجمان موٹروے پولیس کے مطابق موٹروے ایم 3 دھند کی وجہ سے بند ہے جبکہ موٹروے ایم 4 دھند کے باعث بند کردی گئی ہے۔
اس کے علاوہ موٹروے ایم 5 شدید دھند کے باعث بند کردی گئی ہے جبکہ لاہور سیالکوٹ موٹروے دھند کی وجہ سے بند کردی گئی ہے۔
ترجمان موٹروے پولیس کے مطابق موٹروے بند کرنے کا مقصد حادثات سے بچاؤ اور موٹروے استعمال کرنے والوں کے جان و مال کا تحفظ ہے، شہریوں سے درخواست ہے کہ دھند کہ اوقات میں غیر ضروری سفر سے گریز کریں۔
اپنا سفر دن کی روشنی میں مکمل کر کے دھند کے آغاز سے پہلے اپنے منزل مقصود تک پہنچ جائیں – گاڑیوں میں فوگ لائٹس کا استعمال کریں، تیز رفتاری سے گریز کریں اور اگلی گاڑی سے مناسب فاصلہ معمول سے زیادہ رکھیں۔
ہیڈ کوارٹر ایئرپورٹس سیکیورٹی فورس نے جناح ایئرپورٹ کا پری آڈٹ شروع کردیا
ترجمان موٹروے پولیس کا کہنا ہے کہ سفر شروع کرنے سے پہلے موٹروے پولیس ہیلپ لائن 130 یا نیشنل ہائی ویز اینڈ موٹروے پولیس کے آفیشل سوشل میڈیا اکاؤنٹ سے بھی تازہ ترین معلومات ضرور حاصل کرلیں۔